बाँके बैशाख २६ गते ।
राप्रपाका तर्फबाट नेपालगन्ज उपमहानगरपालिकामा मेयर पदका उम्मेदवार नन्दलाल वैश्यले नेपालगन्जलाई सम्बृद्ध नेपालगन्ज बनाउन आफुलाई मतदान गर्न सबै नगरबासीलाई आव्हान गरेका छन् ।
उनले डा धवलशम्शेर राणाले गरेको विकास र बाँकी रहेका कामलाई निरन्तरता दिँदै आफुले नेपालगन्जलाई सम्बृद्ध नगरपालिका बनाउने अभियानका साथ चुनावी प्रतिस्पर्धामा उत्रिएको बताएका छन्।
विकासको योजना छनोट र कार्यान्वयन समुदायको सहभागिता तथा सहकार्यबाट गरिने, नगर भित्र रहेको सम्पूर्ण धुले सडक ग्राबेल गरिने र ग्राबेल सडकहरुको कालोपत्रे गरिने डुबानको समस्या समाधान र ढल निकासको समस्यालाई व्यवस्थीत बनाउने र नेपालगन्जलाई स्मार्ट शहरको रुपमा बिकसित बनाउने बैश्यको योजना छ ।
उपमहानगरपालिका भित्र वडा नम्बर २२, २३ र २१ नम्बर वडाहरुलाई बिकट वडा भएकाले ति वडाको विकासका लागि आफुले विशेष योजना बनाउने बताए ।
गरिव तथा जेहेन्दार बिद्यार्थीलाई छात्रवृत्ति प्रदान गरिने, नगरका सम्पुर्ण टोलहरुमा फ्रि वाईफाई र नगरपालिका भित्र हुने सम्पूर्ण गतिविधिको निगरानीका लागि हरेक चोक चोकमा सिसिटीभी क्यामेरा जडान गरिने कृषि र पर्यटनलाई सङ्गसङ्गै जोडेर हजारौ बेरोजगार युवालाई स्वरोजगार तिर आकर्षित गराउने योजना रहेको उनले बताए।
आफुले निश्वार्थरुपमा सेवा गर्ने भएका कार नेपालगन्जका स्थानिय जनताले मतदान गर्नेमा आफू आसाबादी रहेको उनले सुनाए। जनताको आसा र भरोसा मानिएका बैश्यले जनता सामु गरिएका चुनावी प्रतिबद्धता पुरा गर्न कुनै कसर बाँकि नराख्ने उनको भनाइ छ । राप्रपाको विरासत जोगाउन बैश्य तीब्र चुनावी प्रतिस्पर्धामा छन्।
Discussion about this post