बाँके साउन १३ गते ।
इप्रका कोहलपुरको नेतृत्व डिएसपी ऐनबहादुर मल्लले सम्हालेका छन् । उनैले सम्हालेको इप्रकामा प्रहरीका अधिकारीबाटै थुनुवा महिला माथि बलात्कार भएको घटना बाहिरिएको छ ।
ईलाका प्रहरी कार्यालय कोहलपुरको हिरासतमा रहेकी एक थुनुवालाई प्रहरीले नै बलात्कार गरेको आरोप लागेको छ ।बहुविवाह मुद्दामा हिरासतमा रहेकी महिलालाई एक असईले शुक्रबार बिहान करिब २ बजेको समयमा बलात्कारको प्रयास गरेको आरोप लागेको हो ।
कोहलपुर प्रहरीको मुद्दा फाँटमा कार्यरत असई प्रविण चौलागाईँलाई बलात्कारको प्रयास गरेको आरोप लागेको हो । मदिरा पिएर आएका असईले थुनुवा कक्षमा रहेकी महिलालाई बोलाएर माथिल्लो तलामा रहेको कोठामा लगेर बलात्कारको प्रयास भन्दै हिरासतका अन्य थुनुवाहरुले हल्लाखल्ला गरेका थिए ।
आरोपित असई चौलागाईँले भने आफुले थुनुवा महिलामाथि बलात्कारको प्रयास नगरेको बताएका छन् । घटनाको छानबिनको लागि जिल्ला प्रहरी कार्यालय बाँकेका प्रवक्ता प्रहरी नायब उपरीक्षक (डीएसपी) मधुसुदन न्यौपाने कोहलपुर पुगेका छन् । ‘प्रहरी कार्यालय भित्रैको घटनाबारे खबर आएको छ ।
त्यसकै लागि म कोहलपुर आइरहेको छु’ उनले भने, ‘घटनाको सत्यतथ्य छानविन हुन्छ । पीडित भनिएकी महिलासँग समेत कुरा हुन्छ । दोषि पाइए जोसुकै भएपनि कारबाही हुन्छ ।
Discussion about this post