बाँके असोज ११ गते ।
चिकित्सक तथा स्वास्थ्यकर्मीमाथी भइरहेका आक्रमणको बिरोधमा नेपालगन्जका चिकित्सक सडकमा निस्केका छन् । उनीहरुले बिहीबार सडकमै उत्रिएर बिरोध प्रर्दशन गरेका हुन् ।
नेपाल चिकित्सक संघ भेरी शाखाको अगुवाईमा बिरोध प्रर्दशन गरिएको हो । संघको भेरी शाखाको कार्यालय सुर्खेतरोड (गणेशमान चोक नजिक)बाट सुरु भएको उक्त प्रर्दशन विपी चोक, पासाङल्हामु मार्ग, जिल्ला प्रशासन, भेरी अस्पताल, चार बाहिनी चोक हुदै पुनः संघको कार्यालयमा आएर समापन भएको थियो ।
सो क्रममा प्रर्दशनमा सहभागी भएका चिकित्सक तथा स्वास्थ्यकर्मीले चर्का नारा लगाएका थिए । जिल्ला प्रशासन कार्यालय अगाडीको कोण सभालाई सम्बोधन गर्दै वरिष्ठ चिकित्सक एवम् आन्दोलनका संयोजक डा. श्यामसुन्दर यादवले आफ्नो ३१ वर्षको अनुभवमा चिकित्सक तथा स्वास्थ्यकर्मीमाथी यति धेरै दुर्व्यवहारका घटना नभएको बताए ।
३१ वर्षको अनुभवमा यो दुई महिनामा जति घटना भए, यस्तो घटना भएको थिएन, गृह प्रशासन, स्वास्थ्य मन्त्रालय, काउन्सिलले दुर्व्यवहारका घटना तुरुन्त बन्द गर्नुपर्यो,’ यादवले भने ‘यसको परिणाम भविष्यमा के आउँछ, त्यो सबैका लागि थाहा भएकै कुरा हो, यदी हामी एप्रोन उतारेर अर्को रुपमा गयौं भने त्यसको जिम्मेवार सरकार हुन्छ ।
अझैपनि कुनै स्वास्थ्यकर्मीलाई कुटियो भने आफुहरुले देशभर आन्दोलन गर्ने चेतावनी दिए । ‘हामी यस्तो आन्दोलन गर्छौ, त्यसले तहस नहस हुन्छ, जिल्ला प्रशासनमार्फत गृहमन्त्रालय जाओस्,’ उनले भने ।
उक्त आन्दोलनको अगुवाई भने संघका भेरी शाखा अध्यक्ष एवम् वरिष्ठ चिकित्सक डा. बिनोद थापाले गरेका थिए । उक्त आन्दोलनलाई नेपाल नर्सिङ संघ लगायत संघ, संस्थाले पनि ऐक्यवद्धता जनाएका छन् ।
Discussion about this post