बाँके असोज २१ गते ।
बाँकेको खजुराबाट सुनचाँदीका गहना चोर्ने एक जनालाई बाँके प्रहरीले पक्राउ गरेको छ ।
खजुरा गाउँपालिका ५ सिमलघारी स्थित आर.के.ज्वैलर्स र खजुरा गाउँपालिका ३ खजुरा बजारमा रहेको दिप शिखा ज्वैलर्सबाट बाट सुन चाँदीका गरगहना चोरी गर्ने सुर्खेत सिम्ता गाउँपालिका ५ बस्ने २३ वर्षीय शिव नेपालीलाई प्रहरीले पक्राउ गरेको हो ।
यस्तै नेपालीले जनता दुग्ध उत्पादक सहकारी सस्थाबाट ल्यापटप समेत चोरी भएको उजुरी प्रहरीलाई परेको थियो । विभिन्न मिति र समयमा सुनचाँदीका गहना र ल्याप्टप चोरी भएको उजुरीका आधारमा प्रहरीले नेपालीलाई पक्राउ गरेको जनाएको छ ।
उनको साथबाट प्रहरीले ल्यापटप १ थान, सुनको टुक्रा, ५ ग्राम, चाँदिको औठी १२ थान, चाँदिको सिक्री ८ थान, चाँदिको मुन्द्रा ४५ थान, चाँदिको जन्तर २ थान, चाँदिको ब्रासलेट २ थान, चाँदिको पायल ४ थान, चाँदिको बिछिया ८ थान, चाँदिको लकेट १४ थान, चाँदिको सिक्का ३ थान, चाँदिको बाला १० थान, चाँदिको दुक्रा ८० ग्राम साथै चोरी गर्दा प्रयोग भएका दरौती, पेचकस, रेन्ची, हथौडा, पिलास र चक्कु बरामद गरेको छ ।
प्रहरीले उनको साथबाट । ६ हजार ९७५ रुपैयाँ नगद समेत बरामद गरेको छ । उनलाई हिरासतमा राखेर थप अनुसन्धान भइरहेको पनि प्रहरीले जनाएको छ ।
Discussion about this post