बाँके असोज २१ गते ।
नेपालगन्ज आफ्नो लयमा फर्किएको छ । दुई पक्ष वीचको विवाद मत्थर भएपछि नेपालगन्ज पुरानो लयमा फर्किएको हो ।
सामाजिक सद्भाव विग्रिएर द्वन्द्व सिर्जना भएपछि बाँके प्रशासनले १६ असोज दिउँसो १ वजेदेखि कर्फ्यु जारी गरेको थियो । कर्फ्युका क्रममा दुवै पक्ष वीच नाराबाजी भए पनि नेपालगन्ज तनावग्रस्त बनेको थियो ।
बाँके प्रशासन, नेपाल प्रहरी, सशस्त्र प्रहरी, नेपाली सेना, धार्मिक गुरु, नागरिक समाजका अगुवाको प्रयासमा नेपालगन्ज शान्त भएको छ । सुरक्षाकर्मीले संयमता अपनाएका कारण नेपालगन्जमा थप द्वन्द्व भड्किन नपाएको नेपालगन्जबासीले बताएका छन् ।
दुई पक्ष वीचको असमझदारीले भएको द्वन्द्वका कारण सवैभन्दा धेरै त्रिभुवन चोक, सदरलाई, त्रिवेणीमोड, इदगाह रोग विपी चोक प्रभावित भएको थियो । त्रिभुवन चोक, इदगाह र सदरलाइनका पशल शनिवार पनि खुल्न सकेनन् ।
तर, आइतवार यी सवै क्षेत्रका सवैजसो पसल खुलेका छन् ।
किनमेल गर्ने र आउजाउ गर्ने सर्वसाधारणको चहलपहल पनि आइतवारदेखि बढेको एक ब्यापारीले बताए । उनले सदरलाइन, त्रिभुवन चोक, इदगाह रोडका सवैजसो पसल खुलेको बताए । ‘नेपालगन्जले आफ्नो पुरानो लय समातेको छ । किनमेल गर्नेको संख्या पनि बढेको छ । चहलपहल बढ्दा अटो रिक्साको संख्या पनि बाख्लिएको छ,’ ति ब्यापारीले भने ।
नेपालगन्जलाई शान्त बनाउन सुरक्षाकर्मी, प्रशासन, धर्म गुरु, मानवअधिकारकर्मी, नागरिक समाज र सर्वसाधारण चनाखो हुनुपर्ने नेपालगन्जबासीले सुझाव दिएका छन् ।
Discussion about this post