बाँके कात्तिक ७ गते ।
नरैनापुर गाउँपालिकामा बाँकेका प्रमुख जिल्ला अधिकारी श्रवणकुमार पोख्रेल र एसपी सुभाषचन्द्र बोहरालाई एक कार्यक्रमका बीच स्वागत गरिएको छ ।
गाउँपालिका अध्यक्ष इश्तियाक अहमद शाहसहित स्थानीयले स्वागत गरेका हुन् । प्रमुख जिल्ला अधिकारी पोख्रेल सहित सुरक्षा अधिकारीहरु सीमावर्ती क्षेत्र र सीमा स्तम्भको अनुगमन तथा निरीक्षण गर्न नरैनापुर पुगेका थिए ।
बाँकेमा सरुवा भएर आएपछि पहिलो पटक प्रजिअ पोख्रेल र एसपी बोहरा नरैनापुर पुगेर नेपाल भारत सिमा बगौडाको निरीक्षण गरेका हुन ।
प्रमुख जिल्ला अधिकारी पोख्रेलले सिमा क्षेत्रमा तस्करलाई नियन्त्रणमा लिन सुरक्षा अधिकारीलाई निर्देशन दिए । स्थानीय किसानलाई पीडा हुने गरी कार्य नगर्न सुरक्षाकर्मीलाई निर्देशन दिए ।
नरैनापुर गाँउपालिका अध्यक्ष शाहले नरैनापुरका किसान निकै पीडामा रहेकाले किसानको समस्या समाधान गर्नतर्फ भूमिका खेल्न प्रजिअ पोख्रेलसहित सुरक्षा अधिकारीलाई सुझाव दिए ।
Discussion about this post