बाँके फागुन १८ गते ।
नेपालगञ्ज उपमहानगरपालिका ५ नं. वडाले शुक्रवारदेखि सरसफाई अभियान सुरु गरेको छ । वडालाई सफासुघर बनाउन अभियान थालिएको वडा अध्यक्ष सराफत हुसेन शेषले बताए ।
अभियान अन्तरगत पहिलो दिन वडा नं. ५ मा पर्ने सडक र सार्वजनिक स्थलको सरसफाई गरिएको उनले बताए । उनले अभियानलाई निरन्तरता दिने बताए । ‘वडालाई सफा राख्न सरसफाई अभियान थालेका छौँ । यसलाई अव निरन्तरता दिई वडालाई नमुना बनाउँछौँ,’ वडा अध्यक्ष शेषले भने ।
उनले वडालाई सफासुघर बनाउन वडाबासीको सहयोग अपरिहार्य भएको बताए । वडाले थालेको अभियानमा जोडिन उनले वडाबासीसँग आह्वानगरेका छन् । ‘वडा सफासुघर भए हामी सवै स्वस्थ रहन्छौँ र वडा सफा भए हाम्रो इज्जत पनि रहन्छ,’ उनले भने ।
अभियानको पहिलो दिन वडा प्रहरी कार्यालयमा कार्यरत प्रहरी र वडाबासीको सहभागिता रहेको थियो । सरसफाईमा वडा अध्यक्ष शेष आफै खटिएका थिए । उनले सरसफाई अभियानमा सहभागी सवैलाई धन्यवाद दिएका छन् । ‘वडालाई सफासुघर बनाउने हामी सवैको दायित्व हो । आउनुस सवै जना मिलेर वडालाई सफा राखौँ,’ उनले भने ।
Discussion about this post