बाँके बैशाख १ गते ।
नयाँ वर्षको पहिलो दिननै नेपाली कांग्रेसका महामन्त्री गगन थापाले बाँकेमा ‘संवाद यात्रा’लाई सम्बोधन गर्ने भएका छन् । हुलाकी राजमार्ग क्षेत्र केन्द्रित समुदायमा कांग्रेस अन्तर्गत ‘संवाद यात्रा’ को क्रममा महामन्त्री थापा आज बाँके आउन लागेका हुन् । आज र भोलि बाँकेमा हुने विभिन्न कार्यक्रममा महामन्त्री थापा सहभागी हुनेछन् ।
आज दिउँसो २ बजे डुडुवा गाउँपालिका–५ कम्दीस्थित मिलनचोक र ४ बजे नेपालगन्जको त्रिभुवन चोकमा संवाद यात्रा तय भएको काँग्रेस बाँके क्षेत्र नं.२ का सभापति रमेश कुमार गुप्ताले जानकारी दिए । त्यसैगरी महामन्त्री थापाले बेलुका ६ बजे नेपाल प्रेस युनियन बाँकेद्धारा प्रकाशित भित्ते पात्रोको विमोचन गर्ने रहेको युनियनका अध्यक्ष प्रियास्मृति ढकालले जानकारी दिए ।
त्यसलगत्तै उनले पार्टी कार्यालयमा कार्यकर्ता भेटघाट गर्नेछन् र नेपालगन्जमा बास बस्नेछन् । भोलिपल्ट आइतवार विहान प्रजातान्त्रिक उद्योगी व्यवसायीसँग भेटघाट गर्ने कार्यक्रम तय भएको छ । त्यसलगत्तै उद्योग बाणिज्य संघमा व्यवसायीहरुसँग अन्तरक्रिया गर्नेछन् । त्यसपछि सुशील कोइराला क्यान्सर अस्पतालको निरीक्षण गर्ने कार्यक्रम रहेको छ ।
Discussion about this post