बाँके साउन २४ गते ।
स्रोत नखुलेको २४ लाख नगद रकमसहित ५ जना भारतीय नागरिकलाई प्रहरीले पक्राउ गरेको छ ।
नेपालगन्ज–२० स्थित राँझा विमानस्थलबाट स्रोत नखुलेको २४ लाख नगद रकमसहित ५ जना भारतीय नागरिकलाई बुधवार पक्राउ गरिएको जिल्ला प्रहरी कार्यालय बाँकेका डिएसपी नारायण डाँगीले जानकारी दिए ।
स्रोत नखुलेको २४ लाख नगद रकमसहित पक्राउ पर्नेमा जिल्ला सितापुर थाना कोतवाली उत्तर प्रदेश भारतका ४४ वर्षीय प्रकाशनारायण गुप्ता, सोही ठेगाना भएका ४३ वर्षीय अजय मिश्रा, ४५ वर्षीय अशिष गुप्ता, ३९ वर्षीय पङ्कज जैसवाल र ४६ वर्षीय विमल गुप्ता रहेको डिएसपी डाँगीले बताए ।
नेपालगन्जबाट काठमाडौँ उड्न लागेका उनीहरूलाई विमानस्थलमा प्रहरीले चेकजाँच गर्ने क्रममा उक्त रकम फेला पारेको थियो । उनीहरूलाई हुण्डी कारोबार सम्बन्धी कसुरमा बिहीबार बाँके जिल्ला अदालतबाट चार दिनको म्याद थप लिई अनुसन्धान गरिरहेको प्रहरीले जनाएको छ ।
Discussion about this post