बाँके माघ २० गते ।
बाँके क्षेत्र नम्बर २ का जनता समाजवादी पार्टी नेपाल (जसपा) का उम्मेदवार कमरुद्दिन राईले मतदाता भेटघाटलाई तीव्र पारेका छन् । उनले सोमवार नेपालगन्जको रानीतलाउ सब्जीमण्डी, सदरलाइन, त्रिभुवन चोक, टाङ्गा स्टेशन लगायत क्षेत्रमा गएर मतदातासँग भेटघाट र अन्तरक्रिया गरेका हुन् ।
मधेस र मधेसीको मुद्धा लिएर मतदाता भेटघाटमा ब्यस्त राईले मतदाताले राम्रो साथ दिँदै आएका छन् । भेटघाटको क्रममा अधिकांश मतदाताले यसपाली कमरुद्दिनलाई भोट दिने आश्वासन दिएका छन् । ‘धेरैलाई हेर्यौँ पटक पटक यसपाली नयाँलाई हेर्ने पक्षमा छौँ,’ नेपालगन्ज उपमहानगरपालिका ८ का जितेन्द्रकुमार सिंहले भने ।
राईलाई आशिर्वाद दिनेको समेत कमी छैन । उनी पुगेको ठाउँका मतदाताले जितको शुभकामनासँगै आशिर्वाद दिएको राईले बताए । ‘म पुगेको ठाउँका मतदाताले राम्रो साथ दिनु भएको छ । आशिर्वाद दिनेकोसमेत कमी छैन,’ उनले भने ।
नेपालगन्ज उपमहानगरका उपमेयर रहँदा जनताको पक्षमा गरेको कामले उनलाई संसदिय निर्वाचनमा सहयोग मिलेको छ । जनताको काममा दिनरात नभनि खटिदै आएका राई नेपालगन्जमा लोकप्रिय मानिन्छन् । ‘मतदाता भेटघाटको क्रममा जनताले दिएको मायाले अभियानमा थप बल पुगेको छ,,’ जसपा नेपालका अरविन्द शर्माले भने, ‘मतदाताको मायाले हामी हर्षित छौँ । यसले मतदाता भेटघाट गर्न हौसला मिलेको छ ।’
राईले नेपालगन्जका अधिकांश वडाका मतदातालाई भेटेर आफ्नो धारणा राख्ने र मतदाताका गुनासा सुनिसकेका छन् । उनलाई यूवादेखि बुढापाकाले समेत साथ दिएका छन् । शर्माले भने, ‘यूवाको रोजाईमा कमरुद्दिन पर्नु भएको छ । बुढापाकाको त कुरै छाडौँ ।’
Discussion about this post