धनगढी असार १४ गते ।
धनगढीबाट विप्लव समूहका कैलाली जनसरकार प्रमुख र धनगढी नगर इन्चार्जसहित ६ जना पक्राउ परेका छन् । जिल्ला प्रहरी कार्यालय कैलालीको टोलीले शनिबार राति जनसरकार प्रमखु दलबहादुर बिक र धनगढी इन्चार्ज प्रकाश रावलसहितका ६ जनालाई पक्राउ गरेको हो ।
उनीहरुलाई धनगढी उपमहानगरपालिका वडा नम्बर १२ को जुगेडा क्षेत्रबाट पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतिक बिष्टले जानकारी दिए । उनका अनुसार पक्राउ पर्नेमा बिक र रावलसहित विप्लव निकटको अखिल क्रान्तिकारीका केन्द्रीय सदस्य बबरजंग सिंह, जिल्ला अध्यक्ष सुवास जोशी, डम्बर सुनार, र लक्की शाह रहेका छन् ।
उनीहरुलाई शंकास्पद गतिविधिमा संलग्न भएको आशंकामा पक्राउ गरिएको प्रवक्ता बिष्टले बताए । पक्राउ परेका जनसरकार प्रमुख बिक हातहतियार तथा खरखजाना मुद्दामा फरार रहेका अभियुक्त समेत रहेको प्रहरीले जनाएको छ ।
Discussion about this post