खोजखबर संवाददाता
बाँके भदौं ५ गते । बाँकेमा एक ६ वर्षिया बालिकाको बलात्कार भएको घटनालाई ठुलो रकम दिएर मिलाउन खोज्ने दस जना प्रहरी खोरमा पुगेका छन् । ईलाका प्रहरी कार्यालय कोहलपुरले ६ वर्षिया बालिकाको बलात्कार घटनालाई दश लाख रुपैयाँमा मिलापत्र गराउन खोज्ने दश जनालाई पक्राउ गरेको जनाएको छ। कोहलपुर ११ कि ६ वर्षिय वालिका बलात्कारको घटनालाई पिडक पक्षले चार लाख रुपैयाँ दिएर घटनालाई गाभरमा मिलापत्र गराउन लागेको गोप्य सुचनाका आधारमा कोहलपुर प्रहरी प्रमुख डिएसपी रमेश बहादुर सिंहको कमान्डको टोलीले पक्राउ गरेको इलाका प्रहरी कार्याालय कोहलपुरले जनाएको छ। प्रहरीले खोजी गरिरहेको फरार बलात्कार अभियुक्त कोहलपुर ११ को गोबिन्द दमाई लगायत पीडित परिवार र पिडक परिवारलाई पक्राउ गरि म्याद थप गरेको डिएसपी सिंहले बताएका छन् ।
गत असार २१ गते कोहलपुर नगरपालिका वडा नं ११ शान्तिनगर निवासी ६ वर्षिय एक वालिका बलात्कारमा परेकी थिईन । बलात्कारीको खोजी तिब्र पारेको कोहलपुर प्रहरीले फरार अभियुक्त सहित अन्य १० जनालाई बुधबार पक्राउ गरि विहिबारकोहलपुर प्रहरीले पत्रकार सम्मेलन मार्फत जानकारी गराएको हो ।
सरुवा भईसकेका डीएसपी सिंहले जाँदा जाँदै पनि धेरै अपराधीलाई खोर भित्र पुर्याएर जान लागेकोले स्थानीयले डिएसपी सिंहलाई धन्यवाद दिएका छन् ।
Discussion about this post