अजय पाठक
बाँके भदौ ५ गते । संविधान दिवसको अवसर पारेर बाँकेको खजुरामा फुटबल प्रतियोगिता अायाेजना गरिने भएको छ ।
अायाेजकले विहिवार पत्रकार सम्मेलन गरेर खजुरा गाउँपालिका–२ स्थित योगिनी माविको खेल मैदानमा २०७६ असोज ३ देखी ७ गतेसम्म सविधान दिवसको अवसरमा योगिनी कप फुटबल प्रतियोगिता सञ्चालन गरिने जानकारी दिएको छ । प्रतियोगीतामा बाँके र बर्दियाका जम्मा ८ समुहले सहभागिता जनाउने जानकारी अायाेजक समितिका संयाेजक तरिन्द्र बहनदुर थापाले दिए ।
सहयोगी आवाज (हिभ) नेपालको आयोजनामा र बाँके जिल्ला फुटबल संघको प्राविधिक सहयोगमा प्रतियोगिता सञ्चालन गरिने छ । साे अवसरमा बाँके जिल्लाको फुटबल विकासमा योगदान गरेका खेलकर्मीलाई समेत सम्मान गरिने छ ।
यहाँ थुप्रै खेलाडीले राष्ट्रिय स्तरमा आफनो प्रतिभा मार्फत बाँकेलाई चिनाउन सफल भएको आयोजक समितिका संरक्षक रत्न खत्रीले बताए । पत्रकार सम्मेलनमा बोल्दै जिल्ला फुलबल संघ बाँकेका अध्यक्ष भोजराज शाहीले खेलकुदको माध्यमबाट यहाँ बढ्दै गरेको लागूऔषध दुव्र्यसनीलाई न्यूनिकरण गर्न महत्वपूर्ण योगदान पुग्ने बताए । राम्रो खेलाडी उत्पादन गर्ने क्षेत्र भएर पनि यहाँ अहिलेसम्म स्तरीय फुटबल प्रतियोगिता हुन सकेको थिएन् । प्रतियोगितामा प्रथम, दोस्रो र तेस्रो हुनेले क्रमश ५० हजार, २५ हजार र १५ हजार पुरस्कार, ट्रफी, मेडल र प्रमाणपत्र प्रदान गर्ने संयोजक थापाले बताए । प्रतियोगिताको उत्कृष्ट खेलाडीलाई १० हजार, विधागत रुपमा उत्कृष्ट गोलकिपर, फरवार्ड, मिडफिल्डर, डिफेन्स र प्रशिक्षकलाईसमेत पुरस्कृत गरिने उनको भनाइ छ । प्रतियोगीता सञ्चालन गर्नको लागि करिब तीन लाख ५० हजार भन्दा बढि रकम खर्च हुने आयोजकले जनाएका छन्।
पत्रकारसम्मेलनमा क्षेत्रीय खेलकुद विकास समितिका निर्वतमान उपाध्यक्ष नरेन्द्र थापा, फुटबल प्रशिक्षक सानु तामाङ, भिमजङ्ग शाह, राप्रपाका केन्द्रीय सदस्य ऋषिराज देवकोटालगायतको सहभागीता रहेको थियो ।
Discussion about this post