काठमाण्डौ असोज २० गते ।
नेपालमा सन् २०२० कै पहिलो हिमाल आरोहण अन्तर्गत सोलुखुम्बुको लुबुचे हिमाल आरोहण गरेर फर्किएको आरोहण टोली मङ्गलबार (आज) फगोरखाको मनास्लु हिमाल आरोहणका लागि जाने भएको छ । बहराइनका राजकुमार नासिर बीन हमदसहितको टोली आज मनास्लुतर्फ जान लागेको पर्यटन विभागले जनाएको छ ।
यो टोलीले गएको शनिबार छ हजार एक सय १९ मिटर अग्लो लुबुचे हिमाल आरोहण गरेको थियो । आठ हजार एक सय ६३ मिटर अग्लो मनास्लु हिमाल आरोहणका लागि त्यहाँ बाटो बनाउने काम भइरहेको र टोलीले आज त्यहाँको यात्रा सुरु गर्ने आरोहणको संयोजन गरिरहेको सेभेन समिट ट्रेक प्रालीले जनाएको छ ।
कोरोना महामारीले ठप्प भएको पर्वतीय पर्यटनका लागि विश्वमा सन्देश लैजान यो टोलीको आरोहण महत्त्वपूर्ण रहने पर्यटन व्यवसायीहरुले बताएका छन् ।
ADVERTISEMENT
Discussion about this post