बाँके जेठ ५ गते ।
नेपालगञ्ज उपमहानगरपालिका वडा नम्बर ४ मा रहेको आइसोलेशनमा कोरोना संक्रमित र स्वस्थ्यकर्मीका लागि नास्ता र स्वास्थ्य सामाग्री सहयोग गरिएको छ । वडा नम्बर ४ को आइसोलेशनमा उपचाररत कोरोना संक्रमितहरुको लागि नेपाली कांग्रेसका महाधिवेशन प्रतिनिधि अतुल गुप्ताले वडा अध्यक्ष सफिक बेहनालाई नास्ता सर्जिकल माक्स र सेनिटाइजर हस्तान्तरण गर्नुभएको हो ।
नेपालगन्ज त्रिभुवन चोकस्थित केक एण्ड बेकरीका संचालक समेत रहनुभएका समाजसेवी, मिलनसार गुप्ताले बुधबार कोरोना संक्रमितहरुलाई सहयोग गर्नुभएको छ ।
सो अवसरमा वडा अध्यक्ष बेहनाले सहयोगी मनहरुलाई धन्यवाद ज्ञापन गर्नुभयो । सो अवसरमा बाल्दै संचालक गुप्ताले महामारीका समय सक्नेलाई सहयोग गर्न आग्रह गर्नुभयो । उहाँले महामारी कै बेला हुने सहयोगले ठुलो पुन्य हुने भन्दै सबैले हातेमालो गर्नुपर्ने बताउनुभयो ।
सहयोग प्राप्त भएपछि वडाअध्यक्ष वेहनाले पनि उहाँलाई धन्यवाद दिँदै विपतमा सबैको सहयोग आवश्यक रहेको बताउनुभयो ।
नास्ता र स्वस्थ्य सामग्री वितरण कार्यक्रममा नेपाली कांग्रेस तरुण दलका जिल्ला सचिब बिनोद रिजाल समेत रहनुभएका थिए । यसअघि संचालक गुप्ताले भेरी अस्पताललाई २० थान अक्सिजन सिलिन्डर सहयोग गर्नुभएको थियो ।
Discussion about this post