बाँके असोज १३ गते ।
नेपालगञ्ज जमुनाह नाकामा यतिबेला भारतबाट फर्किने हरुको चाप बढेको छ । त्यही मौकाको फाइदा उठाउँदै विचौलियाहरुको नाकामा भीड देखिन थालेको छ । बुधबार विहान अनलाइन खोजखबरले गरेको निगरानीका क्रममा यहाँ अन्य नेपालगन्जका होटल विचौलियाको भीड तब्रि देखिएको छ ।
दशै नजिकिएसँगै जमुनाह नाकामा होटल र अटो रिक्सा र गाडीका विचौलियाका बिगबिगी बढ्ने गरेको देख्न पाइन्छ । तर, यहाँ खुलेआम होटल विचौलयाले दादागिरी मच्चाउदै नागरिकलाई सास्ती दिइरहेका छन ।
विचौलियाले जमुनाहदेखि बसपार्कसमम वा होटलसम्म लगेको गाडी भाडा समेत महंगो असुल्दै आएको खुलेको छ । एक नागरिकले आफुहरूसँग जमुनाहबाट बसपार्क जाँदा ७ सय भाडा लिएको बताएका छन ।
तर, रिक्सा वा गाडीवाला र विचौलियासँग यस बिषयमा बुझन खोज्दा उनीहरू अनेक वहाना बनाई भाग्ने गर्छन ।
नाकामा पुगेर नेपालीहरुलाई तानातान गर्ने विचौलिया फन्दामा परेका हुन् ।
सीमानाकाको वारी नेपालतर्फ मात्र होइन भारतको रुपैडिहा बसपार्कमा समेत दर्जनौं बिचौलियाले अड्डा जमाएर बसेका छन् । यहाँका होटल व्यवसायीले जमुनाहनाकामा विचौलिया परिचालन गरेर यात्रुहरूलाई तानातान गरी सास्ती दिएका छन् ।
त्यही क्रममा एसपी श्यामकृष्ण अधिकारी र डिएसपी मधुसूदन न्यौपानेले एकासी छड्के अनुगमन गर्नुभएको छ । नाकालाई सहज र सरल बनाउनलाई पुगेका एसपी र डिएसपीले आफै बिचौलियाहरुलाई खोजी खोजी दुई जनालाई नियन्त्रणमा लिएर जिल्ला पाठाएका हुन् ।
उनीहरुलाई जिल्ला प्रहरी कार्यालयमा राखिएको छ। सुरुमा उनीहरुलाई सम्झाइबुझाइ गरेर छाडिने छ । फेरि पनि गल्ती दोहोरिए उनीमाथि कारवाही गरिने उहाँको भनाइ छ।
हिन्दु धर्मावलम्बीहरुको महत्त्वपूर्ण चाड दसैँ नजिकिएसँगै भारतमा रोजगारी गरेर घर फर्कने नेपालीको नेपालगञ्जस्थित जमुनाह नाकामा लर्को शुरू भएको छ ।
जमुनाह नाका भएर दैनिक करिब १५ सय देखि दुई हजारको हाराहारीमा मानिसहरु स्वदेश भित्रिरहेको इलाका प्रहरी कार्यालय जमुनाह चौकीका इन्चार्ज प्रहरी नायब निरीक्षक पूर्णबहादुर खत्रीले जानकारी दिनुभयो ।
उहाँका अनुसार, अहिले भारततर्फ जानेभन्दा स्वदेश फर्किनेको सङ्ख्या धेरै रहेको छ । दसैँ तिहारजस्ता महत्वपूर्ण चाडपर्व नजिकिएसँगै रोजगारीको सिलसिलामा भारतका विभिन्न शहर पुगेका नेपालीहरु चाडपर्व मनाउन स्वदेश फर्किरहेका छन् ।
Discussion about this post