खोजखबर संवाददाता
बाँके असोज ३ गते । संबिधान दिबसको अबसरमा कोहलपुरमा संबिधानका केही धार उपधाराहरुलाई संसोधनको माग गर्दै संबिधान जलाइएको छ । थारु कल्याणकारीणी ले संबिधानको अपुरो धारा उपधाराहरुलाई संसोधन गर,थारुहट राजबन्दिहरुलाई सिर्त रिहा गर भन्दै संबिधान जलाएका हुन ।
संबिधान जलाउनेहरुलाई इलाका प्रहरी कार्यालयबाट खटिएको टोलिले तत्कालै नियन्त्रणमा लिएको इलाका प्रहरी कार्यालयका प्रहरी नायब उपरिक्षक हेम बहादुर शाहीले जानकारी दिए । पक्राउ पर्नेमा थारु कल्याणकारीण संघ बाँकेका अध्यक्ष बिनोद थारु लगाएत तिन जना रहेका छन । पक्राउ परेकालाई इलाका प्रहरी कार्यालयले अनुसन्धान गरि कारबाही प्रक्रिया अगाडी बढाएको छ । उनीहरुलाई के कारबाही गर्ने भन्ने बिषयमा माथिल्लो निकायमा जाहेरी भएको शाहीले जानकारी दिए ।
ADVERTISEMENT
Discussion about this post