बाँके माघ २० गते ।
नेपालगन्ज उपमहानगरपालिका-७ गगनगन्जबाट ठूलो परिणामको लागू औषधसहित तीनजना पक्राउ परेका छ्न ।
प्रहरीले नेपालगन्ज-७ का २८ वर्षीय आदित्य श्रेष्ठ, २५ वर्षीय अंकित श्रेष्ठ र विरेन्द्रनगर नगरपालिका-६ सुर्खेतका ३८ वर्षीय गणेश भण्डारीलाई पक्राउ गरेको बाँकेका एसपी श्यामकृष्ण अधिकारीले अनलाइन खोजखबरलाई जानकारी दिनुभयो ।
प्रहरीले उनिहरुको साथबाट ३० ग्राम ब्राउन सुगर बरामद गरेको छ । लागु औषधको कारोबार भैरहेको भन्ने सूचना पाएपछि वडा प्रहरी कार्यालयबाट खटिएको प्रहरी टोलि र लागू औषध नियन्त्रण ब्युरोको संयुक्त टोलिले आबश्यक चेकजाँच र खानतलासी गरेको थियो ।
त्यसक्रममा लागू औषध नापजाँच गर्ने तराजु समेत बरामद भएको छ । यस्तै नगद एक लाख ४४ हजार रकमपनि बरामद भएको छ ।
प्रहरीले प्रारम्भिक अनुसन्धानबाट उनिहरु लागू औषध किनमेल गर्ने गिरोह भएको खुलेको बताएको छ । प्रहरीले लागू औषध विरुद्ध आक्रामक बनेपछि कारोबारी र प्रयोगकर्ताहरु धमाधम कानुनको दायरामा आउन थालेका छ्न ।
Discussion about this post