बाँके फागुन १४ गते ।
प्रहरीले भारतीय नम्बर प्लेटको मोटरसाइकलसहित भारतबाट भन्सार छलेर नेपाल भित्र्याइएको विभिन्न सामाग्री बरामद गरेको छ ।
बाँकेका प्रहरी प्रवक्ता एवं प्रहरी नायव उपरीक्षक मधुसूदन न्यौपानेका अनुसार भारतबाट भन्सार छली चोरी पैठारी गरी ल्याइएको लेडिज कपडा र भारत तर्फ लैजाँदै गरेको खुकुरी चुरोट लगायत विभिन्न सामाग्रीसहित युपि ३४ यस ००२५ नम्बर प्लेटको मोटरसाइकल नेपालगन्जको ट्राफिक चोकबाट बरामद भएको हो ।
बरामद गरिएको सो सामान करिव अन्दाजी १ लाख ४१ हजार ५ सय रुपैया मूल्य बराबर रहेको उहाँको भनाइ छ ।
जिल्ला प्रहरी कार्यालयबाट खटाइएको प्रहरी सहायक निरीक्षक विवेक अधिकारीको कमाण्डमा खटिएको प्रहरी टोलीले सो सामान बरामद गरेको हो ।
बरामद गरिएको सामान र मोटरसाइकल थप कारवाहीका लागि भन्सार कार्यालयमा बुझाइएको पनि प्रहरी प्रवक्ता न्यौपानेले बताउनुभयो ।
Discussion about this post