सरला सुवेदी
बाँके साउन २० गते ।
नेपालगन्जको धम्बोजी चोकबाट जम्माजम्मी चालीस किलोमिटर को दुरिमा रहेको नरैनापुर गाउँपालिकालाई बाँके जिल्लाको कर्णाली भनेर चिनिने गर्छ।
नरैनापुर गाउँपालिकाका स्थानिय रामसुरत मौर्याले केही बर्ष अघि मात्र नेपालगन्ज देखि सुइया जोड्ने बाटो बनेको र पहिले पहिले नेपालगन्ज देखि नरैनापुर र नरैनापुर देखि नेपालगन्ज आउन जान समेत भारतको बाटो आउ जाउ गर्ने गरेको बताए।
उनले आउजाउमा समस्या त थियो नै नरैनापुरमा नेपाली पैसा समेत चल्दैनथ्यो नरैनापुर गाउँका मानिसहरुको सम्बन्ध भारतसङ्ग बढी गासिएको थियो । नरैनापुरका लागि नेपालगन्ज दुर्गम थियो भने सिमापारिको नानपारा नजिक रहेको र घरायसी सामान किन्न पनि उतै जाने गरेको बताए।
बाँके जिल्लाको दुरदराजको पालिका भनेको नरैनापुर गाउँपालिका नै हो सुगम जिल्ला भित्र भएर पनि दुर्गम जस्तै रहेको नरैनापुर गाउँपालिकामा आजकल धेरै कुराको सहजता उपलब्धता भएको देख्न पाइन्छ।
२०७४ सालको स्थानिय चुनाव पछि पनि पालिकाको सेवाहरु नेपालगन्जमा सम्पर्क कार्यलय मार्फत गर्नु पर्थ्यो तर अहिले सबै कारोबार र गाउँपालिका भित्र बसोबास गर्ने सम्पुर्ण जनताले पालिका परिसर भित्रैबाट हरेक सेवा सुबिधा पाईरहेको नरैनापुर गाउँपालिकाका लेखापाल प्रकाश अधिकारिले बताए ।
उनले पहिलेको तुलनामा अहिले धेरै काम नरैनापुरमा भएको जानकारी गराउदै आसन्न चुनावपछीको अबधिमा नरैनापुर गाउँपालिका भित्रका सबै धुले बाटो ग्राबिल भएको र सबैतिरका धुलेबाटोलाई ग्राबिल गर्दा ४० लाख बराबर रकम यो तीन महिनाको अबधिमा खर्छ भएको जानकारी दिए ।
बिकासको कुरामा फड्को मार्दै गरेको नरैनापुर गाउँपालिकामा सडक सङ्गै विद्युत पनि पुगेको छ तर ९ हजार घरधुरी रहेको पालिकामा दुइतिन बर्ष बितिसक्दा पनि जम्मा १ हजार घरधुरिले मात्र विद्युत जडान गरेका छन् । विद्युत प्राविधिककरण्ले मिटर दिन नसकेको कारण सबै घरधुरिम बिजुलीबत्ती पुग्न नसकेको गाउँपालिका प्रमुख प्रशासकिय अधिकृत भरत बस्नेतले बताएका छन् ।
उनले गाउँपालिकाले बिकासको फड्को मार्ने क्रममा
१७ करोड लागतमा १० कठ्ठा जग्गामा १५ शैय्याको अस्पताल निर्माणको काम तिब्र भैइरहेको , ७ करोडको लगानिमा ५ बिगाहा जग्गामा फुटबल स्टेडियम निर्मणाधिन रहेको र स्टेडियमको २०% काम सम्पन्न भएको बताएका छन् ।
यस्तै ९० प्रतिशत सम्म खेती हुने नरैनापुर गाँउपालिकामा सिचाइ सुबिधाको अभाव अझैनी खड्किरहेको हुँदा गाँउपालिकाले आगामी वर्षहरुमा सिचाईको ठोस प्रबन्ध गर्ने तयारीमा जुटेको उनले बताए । उनले गाउँपालिकाले बिकासका कामसङ्गसङ्गै कार्यलयको प्रशासनिक कार्यलाई पनि अगाडि बढाएको छ पहिले पहिले एकै ठाउमा कोचिएर काम गर्नु पर्ने अवस्था थियो भने अहिले कृषि शाखा छुट्टै भवनमा रहेको र प्रशासनिक भवन निर्माण हुँदै गरेको जानकारी गराएका छन् ।
यस्तै गाउँपालिका अध्यक्ष इस्तियाक अहमद शाहले बिकास भनेको एकै पटक एकै चोटिमा गर्न नसकिने कुरा बताउदै अघिल्लो पाँच बर्षको कार्यकालमा बिना स्वार्थ नरैनापुरका जनताको लागि काम गरेको र अबका दिनहरुमा नि बिना स्वार्थ यहाँको बिकास र समृद्धिका लागि आफू लागिरहने बताए।
Discussion about this post