बाँके फागुन २१ गते ।
लुम्विनी प्रदेश सभा सदस्य अम्विका काफ्लेले लुम्विनी प्रदेशको नवलपरासीको सुस्ताको भूमि लुम्विनी प्रदेशमै कायम हुनुपर्ने माग राखेकी छिन् ।
लुम्विनी प्रदेश सभाको तेस्रो अधिवेशनमा बोल्दै उनले सुस्ताको भूमिका गण्डकी प्रदेशले आफ्नो हो भन्दै संकल्प प्रस्ताव दर्ता गरेको थियो । लुम्विनी प्रदेश सभा सदस्य काफ्लेले उक्त भूमि लुम्विनी प्रदेशमै कायम गरिनुपर्ने माग राखिन् । उनले कृषि पेशालाई व्यवसायिक बनाउन पनि माग गरिन् ।
उनले कृषि पेशालाई आधुनिक र व्यवसायिक बनाउनका लागि संघ र प्रदेश सरकारसँग समन्वयको जोडदार माग गरिन् । उनले नेपालगन्ज र रुपन्देहीमा संचालित उद्योग कलकारखानाको संरक्षण गर्न पनि सरकारको ध्यानाकर्षण गराइन् । पश्चिम क्षेत्रको स्वास्थ्य हवको रुपमा रहेको भेरी अस्पतालको प्रसूतिगृहलाई थप व्यवस्थित गराउन माग गरिन् । उनले भेरी अस्पतालमा दैनिक ४० जना सुत्केरी हुन्छन् ।
१५ जनाको हाराहारीमा अप्रेशन हुन्छ । तर अप्रेशनपछि वेडको अभाव हुँदा रिफर गर्नुपर्ने अवस्था छ । यो अवस्थालाई न्यूनीकरण गर्नका लागि छुट्टै प्रसूति गृह निर्माणको माग पनि प्रदेश सभा सदस्य काफ्लेले माग गरिन् । उनले गर्भवतीलाई अनिवार्य आवश्यक पर्ने आइरन चक्की स्वास्थ्य वीमामा समावेश गर्न पनि माग गरिन् । युवाहरुलाई सामाजिक विकासका काममा सुनिश्चित गर्नका लागि स्थानीय पालिकामा युवा परिषद गठनको माग पनि गरिन् ।
Discussion about this post