बाँके भदौ ६ गते ।
बाँके प्रहरीले थप सय ग्राम लागु औषध ब्राउनसुगरसहित एक जनालाई पक्राउ गरेको छ । केहि दिनअघि एक सय ४७ ग्राम ब्राउनसुगर सहित विक्रि केन्द्रका संचालकलाई पक्राउ गरेको बाँके प्रहरीले शुक्रवार फेरी सय ग्राम ब्राउनसुगर सहित एक जनालाई पक्राउ गरेको हो ।
विशेष सूचनाका आधारमा चेकजाँच गर्दा नेपालगन्ज उपमहानगरपालिका १६ का २१ वर्षीय रियाज खानलाई सय ग्राम लागु औषध ब्राउनसुगरसहित पक्राउ गरिएको बाँके प्रहरी प्रमुख एसपी रामप्रसाद घर्तीमगरले जानकारी दिए ।
खानले चलाइरहेको रातो रंगको पल्सर यु.पी ३२ एन यु ७४३५ नम्बरको भारतिय मोटरसाइकल समेत बरामद गरेको उनले बताए । ‘लागु औषध नियन्त्रण गर्न बाँके प्रहरी कडा रुपमा लागेको छ । लागु औषध प्रयोगकर्ता, ओसारपसारकर्ता र विक्रेतालाई निशाना बनाएर अभियान थालिएको छ,’ एसपी घर्तीमगरले अनलाइन खोजखवरसँग भने ।
जिल्ला प्रहरी कार्यालयबाट खटिएको टोलीलाई शंका लागेपछि चेकजाँच गर्दा ५०/५० ग्रामको दुई वटा पुडिया फेला परेको बाँके प्रहरी प्रवक्ता डिएसपी दीपक पातलीले जानकारी दिए । जानकी गाउँपालिक पचपोखराबाट नेपालगन्जको जयसपुरतर्फ आउँदै गरेका खानलाई जानकी गाउँपालिक १ बाट पक्राउ गरिएको उनले बताए ।
‘बाँके प्रहरीले लागु औषध ओसारपसार तथा प्रयोगलाई निस्तेज पार्न योजनाबद्ध तरिकाले अभियान थालेको छ । योजनाबद्ध रुपमा अभियान थालेकोले ओसारपसार, प्रयोगकर्ता र विक्रेताहरु धमाधम पक्राउ पर्न थालेका छन्,’ उनले भने, ‘अभियानलाई अझ तीव्र पार्ने योजना छ ।’
Discussion about this post