बाँके चैत २८ गते ।
पछिल्लो समय सशस्त्र प्रहरीले अवैध सामान धमाधम बरामद गर्न थालेको छ । सशस्त्र प्रहरी बल नेपाल नम्बर ३० गण हेटक्वाटर बागेश्वरीमा गणपतिको रुपमा एसपी भीमबहादुर चन्दले कमाण्ड सम्हालेपछि सशस्त्र प्रहरीले अवैध सामान धमाधम बरामद गर्न थालेको हो ।
एसपी चन्दले नेपाल–भारततर्फबाट हुने अवैध सामान नियन्त्रण गर्न मातहतका सशस्त्र प्रहरीलाई कडा निर्देशन दिएपछि नम्बर ३० गण हेटक्वाटर बागेश्वरी मातहतका सशस्त्र प्रहरीले अवैध सामान धमाधम बरामद गरि नेपालगन्ज भन्सार कार्यालयमा दाखिला गर्न थालेका छन् ।
एसपी चन्दले भन्सार भएका बाहेक कुनै पनि सामान नछोड्न निर्देशन दिएको एक सशस्त्र प्रहरी अधिकृतले अनलाइन खोज खवरलाई जानकारी दिए । ‘अवैध चोरी, तस्करी नियन्त्रण गर्न एसपी सावको कडा निर्देशन छ । भन्सार शुल्क तिरेको बाहेक अन्य सामान नछोड्न निर्देशन छ,’ ति सशस्त्र प्रहरी अधिकृतले भने ।
एसपी चन्दले नम्बर ३० गण हेडक्र्वाटर बागेश्वरीको कमाण्ड सम्हालेपछि नाकामा कडाई गरिएदेखि तस्करहरुमा खैलाबैला मच्चिएको छ । तस्करी गर्न नपाएपछि तस्करहरु तिरमिराएका छन् । ‘जसरी भए पनि तस्करी नियन्त्रण गर्ने योजनाका साथ एसपी साव लाग्नु भएको छ,’ एक सशस्त्र प्रहरी अधिकृतले भने, ‘एसपी सावको निर्देशन बमोजिम विओपीका इन्चार्जहरु तस्करी नियन्त्रणमा लागेका छौँ ।’
खुल्ला सीमानाकाका कारण बाँकेमा नेपाल र भारतबाट तस्करी हुने गरेको छ । खुल्ला नाकाबाट साना र ठूला तस्करहरुले भारतबाट अवैध रुपमा सामान भित्र्याउँदै आएका छन् । अघिल्ला एसपीहरुले तस्करी नियन्त्रणमा खासै चासो नदेखाउँदा तस्करहरुले मनोमानी ढंगले अवैध सामान ओसारपसार गर्दै आएका थिए ।
‘अघिल्ला एसपी सावहरुभन्दा अहिलेको एसपी साव फरक तरिकाले लाग्नु भएको छ,’ एक विओपी इन्चार्जले भने, ‘तस्करी नियन्त्रण गर्न कडा रुपमा लाग्न निर्देशन छ । हामी निर्देशन बमोजिम नाकामा खटिएका छौँ ।’
यसैवीच, सशस्त्र प्रहरी बल नम्बर ३० गण हेटक्वाटर बागेश्वरीको टोलीले शनिवार बिहान करिव ५ बजे डुडुवा गाउँपालिका १ पाझा चौफेरीबाट ट्याक्टर सहित करिव ३० लाख रुपियाँ बराबरको अवैध सामान र ट्याक्टर बरामद गरेको छ ।
भारतबाट नेपालतर्फ आउँदै गरेको भे २ त २३५ नम्बरको ट्याक्टरमा लोड गरी ल्याउँदै गरेको २१ लाख रुपियाँ बराबरको ६२० किलो (२० कार्टुन) सागा च्याउ र ९ लाख रुपियाँ बराबरको ट्याक्टर बरामद गरी आवश्यक कारबाहीको लागि नेपालगन्ज भन्सार कार्यालयमा बुझाएको छ । ‘अवैध सामान आउँदै गरेको गोप्य सूचनाको आधारमा खटिएको टोलीले ट्याक्टरलाई चेकजाँच गर्दा उक्त सामान बरामद भएको हो,’ सशस्त्र प्रहरीका एक अधिकृतले भने ।
Discussion about this post