बाँके, असोज ३० गते ।
बाँकेको जानकी गाउँपालिकाबाट प्रहरीले दर्ता प्रमाणपत्र नभएका १२ वटा सवारीसाधन बरामद गरेको छ। बरामद सवारीसाधनमा १० वटा मोटरसाइकल, एउटा स्कुटर र एउटा कार छन्।
जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक प्रतित सिंह राठौरका अनुसार, सवारीसाधन चोरी हुने गरेको गोप्य सूचना पाएपछि प्रहरीले जानकी गाउँपालिका–३ कर्मोनास्थित २५ वर्षीय मुस्ताक अली शेषको घरमा तलासी गरेको थियो।
बिहवार गरिएको तलासीका क्रममा विभिन्न कम्पनीका सवारीसाधन फेला परेको राठौरले बताए। उनका अनुसार ती सवारीसाधन शेष र उनीसँग संलग्न व्यक्तिहरूले लुकाइछिपाइ राखेका थिए।
प्रहरीले शेषलाई नियन्त्रणमा लिएको छ। बरामद सवारीसाधन चोरीका हुन् वा होइनन् भन्नेबारे अनुसन्धान भइरहेको राठौरले बताए।
ADVERTISEMENT
Discussion about this post