खड्क सुनार मुगु बैशाख १० गते । कर्णाली प्रदेशको हिमाली जिल्ला मुगुका नगरबासीहरु विभिन्न कार्यको हिलहिलामा बाहिर गहेका र अलपत्रमा परेका नगरवासि लाई छायानाथ रारा नगरपालिकाले उद्धार गर्ने भएको छ । सरकारले कोरोना भाईरस नियन्त्रण , रोकथाम र उपचारमा सहज होस भनेर गरेको लकडाउनका कारण जिल्ला बाहिर अलपत्र परेका आफना नगरबासीलाई यहाँको एक स्थानिय सरकारले उद्घार गर्न थालेको हो ।
मुगु जिल्लाको एक मात्र नगरपालिका छायाँनाथ रारा नगरपालिकाले अध्ययन,नोकरी,औषधीउपचार तथा अन्य कामको शिलशिलामा जिल्ला बाहिर रहेका आफना नगरबासी लगडाउनका कारण अलपत्र परेको भन्दै उद्घार गर्न लागेको हो ।
कणाली प्रदेश सरकार आन्तरिक मामिला तथा कानुन मन्त्रालयबाट नगरपालिकालाई पास प्राप्त भैसकेकाले सम्भवत बुधबारसम्म नेपालजंग र सुखेतबाट अलपत्र परेका नगरबासीलाई उद्घार गरिसक्ने र काठमाडौ,बेखर्ची र बेसहारा भएर अलपत्र परेकाहरुको लगत,सम्पर्क नम्बर संकलन गर्ने काम भैरहेको छायानाथ रारा नगरपालिकाले जनाएको छ । अलपत्रमा परेका नागरिकहरुको एकिन सख्या आएपछि बसको व्यवस्था गरि उद्घार गरिने छायानाथ रारा नगरपालिकाका नगर प्रमुख हरिजंग शाहीले बताए । उनले भने काठमाडौ देखि मुगुसम्म बस संचालन अनुमतीका लागी प्रधानमन्त्रीको कार्यालय,गृह मन्त्रालयसंग समन्वय भैरहेको छ ।
जिल्ला बाहिर सुर्खेत,नेपालगंग र काठमाडौंमा अध्यन,नाकरी,औषधी उपचार लगायत अन्य कामले गएका आफना नागरिक लकडाउनले गर्दा अलपत्र पर्न गई खाना र बस्न समेत समस्या पर्न थालेको खबर गर्न थालेपछि संघिय सरकार र प्रदेश सरकारको बाटो पास लिएर आफना नगरबासीलाई गृह जिल्लासम्म बसमा उद्घार गर्न लागेको नगरप्रमुख शाहीको भनाई छ ।
यसरी उद्घार गरिने नगरबासीलाई कम्तिमा १४ दिन नगरपालिकाले निमार्ण गरेको क्वारेन्टाईन वा आफनै होम क्वारेन्टाईनमा बस्ने सर्तमा मात्र उद्घार गरिने पनि नगरपालिकाले जनाएको छ ।
लकडाउन लम्बिएपछि वेखर्ची भएका मुगालीहरु काठमाडौ,नेपालगंज र सुर्खेतबाट पैदल हिडेर आएका छन उनीहरुको बाटोमा विजोग भएको खबर आएको छ उद्घारका लागी हिडेका बसहरुले यसरी बाटोमा अलपत्र परेका मुगालीको पनि उद्घार गरिने भएको छ । सो्रतका अनुसार घर पुग्न हिडेकाहरु छिन्चु , बबई, डुन्गेश्वर, राकम, छेडागाड, नाग्म, मात्म रहेका छन । उद्घार गरिनेहरुलाई बसको साथै बाटोमा खानबस्नको समेत व्यवस्था नगरपालिकाले मिलाएको छ ।
Discussion about this post