बाँके बैशाख १० गते । कोरोना भाइरसको संक्रमणबाट जोगिन सरकारले लकडाउन शुरु गरेको एक महिना पुग्न लागि सक्यो । सरकारको निर्णयको पुर्ण पालना गर्दै नेपालगन्ज लगायत देशभरिकै नागरिकहरु आ-आफ्नो घरमा बसेका छन् ।
लकडाउनले गर्दा दैनिक ज्याला मजदुरी गरेर छाक टार्ने, सानो सानो व्यवसाय गरेर गुजारा चलाउने, असहाय, अशक्त, बाहिरी जिल्लाबाट आई भाडामा बस्ने तथा विद्यार्थिहरु सबै भन्दा बढी प्रभावित बनेका छन् ।
उनिहरुलाई भोकै बस्न नदिन उनिहरुको घर दैलोमा खाद्यान्न लगायतका राहात पुरयाउनु अहिलेको सबैभन्दा महत्वपूर्ण आवश्यकता र दायीत्व हो ।
बाँके क्षेत्र नम्बर २ का संघीय सांसद मोहम्मद इस्तियाक राईको व्यक्तिगत सहयोग र निर्देशनमा समाजवादी पार्टी बाँकेले लकडाउनको पहिलो सातादेखिनै खाद्यान्न अभाव भएर भोकभोकै बस्न बाध्य भएका नेपालगन्ज उपमहानगरपालिका भित्र बस्ने स्थानीय तथा बाहिरी जिल्लाका विद्यार्थि र अन्यलाई खाद्यान्न वितरण गर्दै आएको छ ।
यो अवधीमा उपमहानगरपालिकाका विभिन्न वडाहरुले पनि केहीलाई राहात वितरण गरेका छन् ।
तर, स्थानीय सरकारको रुपमा रहेको उपमहानगरपालिकाले हरेक जनताको घरदैलोमा राहात पुरयाउनु पर्ने, कोही पनि भोकै नबसोस भनेर खाद्यान्न वितरण गर्नुपर्नेमा आफू केही नगरेर अरुलाई पनि गर्न नदिने वातावरण बनाउँदै गएको राईको आरोप छ ।
वडाहरुले वितरण गरेका खाद्यान्नहरु केही वडामा कुहिएको र सडेगलेको वितरण गरेको पाईएको छ । यस्तो गम्भीर र जटिल अवस्थामा उपमहानगरपालिकाले आफ्नो दायीत्व र जिम्मेवारी पुरा नगरेको समाज वादी पार्टीका अध्यक्ष श्रवणकुमार यादवद्धारा जारी विज्ञप्तीमा भनिएको छ ।
आफूले केही नगर्ने र अरुलाई पनि गर्न नदिने सोच बोकेको उपमहानगरपालिकाले अहिले एकद्धार प्रणालीबाट राहात वितरण गर्ने निर्णय गरेको छ । सो निर्णयको समाजवादी पार्टीले पुर्ण स्वागत र समर्थन गर्दछ । तर, निर्णय गरेर मात्र हुँदैन ।
सो निर्णयलाई तत्काल कार्यान्वयन गरेर नेपालगन्जमा कोही पनि भोकै बस्न नपरोस र कसैको पनि चुलो ननिभोस भन्ने ग्यारेन्टी गर्नु परयो । उपमहानगरले तत्काल हेल्प नम्बर जारी गरेर भोकै बस्न बाध्यहरुलाई सम्पर्क गर्न आग्रह गर्नु परयो ।
सबैको घरघरमा खाद्यान्न पुरयाउनु पर्छ । र अब हामीलाई खाद्यान्नका लागि सम्पर्क गर्नेहरुलाई पनि हामीले उपमहानगरपालिकामै पठाउने छौ ।
त्यहाबाट जनताले राहात पाएनन् र भोकै बस्नु परयो भने त्यसको सम्पूर्ण जिम्मेवारी नगरपालिकाकै हुनेछ । हाम्रो मुख्य उदेश्य यहाँका गरिब र विपन्न तथा अन्य असहायहरुले खान पाउन् भन्ने हो त्रिज्ञप्तीमा भनिएको छ ।
लकडाउनले समस्यामा परेका सबै नगरवासीलाई राम्रो क्वालिटिको खाद्यान्न तत्काल पुरयाउन माग गर्दै, एकद्धार प्रणालीको समर्थन गर्दै, खाद्यान्न नपाएर कोही पनि भोकै बसेमा त्यसको जिम्मेवार नगरपािलकानै हुने चेतावनी दिंदै खाद्यान्न नभएर समस्यामा परेका सबै नगरवासीलाई उपमहानगरपालिकामा सम्पर्क गर्न सो पार्टीले आग्रह गरेको छ ।
Discussion about this post