कृष्णा यादब वीरगंज, बैशाख १३ गते । वाणिज्य तथा आपूर्ति कार्यालय पर्साले कालोबजारी गर्ने व्यापारीलाई जरिवाना गरिएको छ । बिक्री मुल्य उल्लेख नगरी सामान बिक्री गर्ने, खरिद बिल बिजक नभएका ५ व्यापारीलाई कारवाही समेत जरिवाना गरिएको छ ।
वीरगंज महानगरपालिकाको बिभिन्न ठाऊमा रहेको ५ पसललाई ५ हजारदेखि १ लाख सम्मको जरिवाना गरेको छ । वाणिज्य तथा आपूर्ति कार्यालय पर्साका प्रमुख जीत बहादुर भण्डारीको नेतृत्वमा भएको अनुगमनको क्रममा कालोबजारी भएको पाइएपछि जरिवाना गरिएको वाणिज्य तथा आपूर्ति कार्यालय पर्साका प्रवक्ता दिलिप खंग खत्रीले बताए ।
उनका अनुसार अनुगमनका क्रममा बिक्री मुल्य उल्लेख नगरी समान बिक्री गरेको पाइएपछि रानीघाटस्थित गोपाल ग्लोबल ट्रेडलाई १ लाख जरिवाना गरिएको छ ।
त्यसैगरी, अनुगमनको क्रममा पानीट्याङकीस्थित सन्तोष जनरल स्टोर्स, प्रतिमा चोकको पुस्कर इन्टरप्राईजेज, बसपार्कको ब्याहुत किराना पसल र मुर्लीको पिन्टु किराना भण्डारलाई ५ – ५ हजार जरीवाना गरिएको छ ।
उनीहरुले खरिद बिल बिजक देखाउन नसकेकोले ५ – ५ हजार जरीवाना लिइएको प्रवक्ता खत्रीले जानकारी दिनुभयो । अनुगमन टोलीमा पर्साका सहायक प्रमुख जिल्ला अधिकारी ललितकुमार बस्नेतले सरकारले लागु गरेको लकडाउनको फाईदा ऊठाई बिक्री मूल्य भन्दा बढी मुल्य लिएर बिचने पसलाई अरु सशंकत रुपले कडाई गर्न बताउनु भयो ।
लकडाउनको मौकाछोपी उपभोक्तालाई ठगिएको गुनासो आएपछि बजार अनुमगन गरिएको वाणिज्य तथा आपूर्ति प्रतिनिधि , पर्साका सहायक प्रमुख जिल्ला अधिकारि, उपभोक्ता संघ , संञ्चारक्रमी लगाएतको प्रतिनिधि सहभागी थियो।
Discussion about this post