अछाम असार २ गते ।
अछामको चौरपाटी गाउँपालिकामा आरडिटी पोजेटिभ देखाएका आठजना क्वारेन्टाईबाट भागेका छन्।
गाउँपालिकाको वडा नम्बर १ स्थित सिउडी माध्यमिक विद्यालयको क्वारेन्टाईनमा बस्दै आएका ८ जना आरडिटी पोजेटिभ देखाए पछि भागेका छन्। सिउडीका आठजना स्थानीय सोमबार भागेर घर गएका वडा १ का वडा अध्यक्ष सालिभान साउदले बताए।
उनले भारतबाट आएर सिउडी माध्यमिक विद्यालयमा बसिरहेका आठजना नागरिक क्वारेन्टाईन बाट भागेको बताए। उनीहरुलाई चौरपाटीमा रहेको प्रहरीले मात्रै ल्याउन नसक्ने भएपछि चौखुट्टेबाट पनि थप प्रहरी बोलाएको गाउँपालिकाका अध्यक्ष हर्क बहादुर साउदले बताए।
क्वारेन्टाईनबाट भागेर घर गएका आरडिटी पोजेटिभ व्यक्तिहरुको परिवारलाई पनि क्वारेन्टाईनमा ल्याउने तयारी भएको उनले बताए। उनीहरु क्वारेन्टाईनमा खान बस्नको राम्रो व्यवस्था नभएको भन्दै भागेको बताइएको छ।
उनीहरुको पिसिआर परिक्षणका लागि स्वाब संकलन गरिएको र आज परीक्षणका लागि धनगढी पठाइएको गाउँपालिकाका अध्यक्ष साउदले बताए।
Discussion about this post