बाँके साउन २२ गते ।
नेपालगन्ज फुलटेक्राका सन्तोष वर्मा भन्दै थिए विद्युत आउने र जाने गर्दा विद्युत सट भएर बल्व फुट्यो कोठामा धन्न आगलागी भएन । गर्मी सुरु भएसँगै यसरी दैनिकरुपमा अघोषित लोडसिडिङको सास्ती जनताले व्यहोर्नुपरेको छ । कहिले ‘लो’ त कहिले ‘हाइ’ भोल्टेजमा विद्युत आउँदा ग्राहकको विद्युतिय सामाग्रीमा नोक्सानी समेत पुगिरहेको छ, भने विभिन्न घटना घटिरहेका छन् ।यसै पनि केही दिन देखि नेपालगन्जमा उखरमाउलो गर्मी छ ।
उखरमाउलो गर्मीमा ग्राहकहरुले नत फ्रिज, पंखा, एसीको प्रयोग गर्न पाएका छन् नत नियमित कामकाज गरेर दैनिकि चलाउन पाएका छन् । यस्तो प्रकारको अघोसित लोडसेडिङले उद्योग, कलकारखाना त मारमा परेकै छन । ल्याव, ग्रिल, फोटोकपि, फोटो स्टुडियो, डेरी उद्योग, छापाखाना, संचारमाध्यम समेतले व्यापार व्यवसाय गर्न पाएका छैनन् ।
नेपालगन्जका एक पसलका संचालकले विद्युत नआउँदा फ्रिज विक्रीको लागि राखिएको करिव २० लिटर दुध फाटेर नोक्सानी वेहोर्नुपरेको बताए । विद्युत नहुँदा नियमित विक्री हुने पेय पदार्थसमेत चिसो हुन नपाएपछि विक्री गर्न नपाएको उनको गुनासो थियो । छिनछिनमा विद्युत जानुको कारणबारे बुझ्दा नेपालगन्ज विद्युत प्राधिकरणले ठोस जवाफ दिदैन । गैसस बाँकेका अध्यक्ष नमस्कार शाहले पहिलो पटक सूचना माग्दा सूचना नदिएको बताए ।
दोस्रो पटक सूचना माग्दा पनि विद्युत कार्यालय नेपालगन्जले चित्त बुझ्दो जवाफ नदिएको उनले बताए । ठाडो र गैर जिम्मेवार ढंगले विद्युतले सूचना दिएको उनको भनाइ छ । गएको अवस्थामा, पोलहरु सार्ने, हावाहुरी, बर्षात, गर्मी लगायतका कारण विद्युत अनियमित हुने बताएको विद्युतले माग गरिए बमोजिमको सूचना चित्त बुझ्दो ढंगले दिएको छैन उनले फेसबुुकमै लेखेका छन् ।
Discussion about this post