बाँके भदौ १४ गते ।
बाँकेमा दुर्घटनामा परि एक जना शिक्षकको मृत्यु भएको छ । राप्तीसोनारी गाउँपालिका १ कुसुम घर भई नेपालगन्जस्थित महाराजा मा.बि. मा कार्यरत ३३ बर्षीय शिक्षक चेवन देबकोटाको राप्तीसोनारी गाउँपालिका ८ शम्शेरगन्जमा उनले चलाईरहेको भे ८ प २२३८ नम्बरको मोटरसाइकल र ना ४ ख २१३९ नम्बर ट्रक ठोक्किदा उनको घटनास्थलमै मृत्यु भएको प्रहरीले जनाएको छ ।
आज बिहान ३ बजे उनको कुसुम घर नजिक छिमेकीको बच्चालाई सर्पले डसेपछि उनले उद्दारका लागि नेपालगन्ज ल्याउदै गर्दा शम्शेरगन्ज सशस्त्र प्रहरी चेक पोस्टमा ट्रकसग ठोक्किएर दुर्घटना भएको हो। बच्चाको पनि उपचारका क्रममा मृत्यु भएको प्रहरीले जनाएको छ । बच्चाको आमाको भने भेरी अस्पतालमा उपचार भइरहेको छ ।
ट्रक र चालकलाई नियन्त्रण लिएर अनुसन्धानका लागि ईलाका प्रहरी कार्यालय कोहलपुरमा ल्याइएको छ।
ADVERTISEMENT
Discussion about this post