एजेन्सी
काठमाडौं भदौ १५ गते।
अमेरिकामा कोरोना भाइरस संक्रमितको संख्या ६० लाख नजिक पुगेको छ । जोन्स हप्किन्स विश्वविद्यालयका अनुसार अमेरिकामा ५९ लाख ९४ हजार ६ सय २४ जनामा संक्रमण पुष्टि भएको छ ।
पूरै अमेरिकामा नयाँ संक्रमित, मृतक र अस्पतालमा भर्ना हुनेको संख्या कम हुँदै गए पनि मिडवेस्ट नयाँ हटस्पटको रुपमा देखा परेको छ ।
समाचार एजेन्सीका अनुसार आयोवा, नर्थ डकोटा, साउथ डकोटा र मिनिसोटामा एक दिनमै संक्रमितको संख्याले रेकर्ड ब्रेक गरेको छ । यस्तै मोन्टानामा अस्पतालमा भर्ना हुने विरामीको संख्या ह्वात्तै बढेको छ ।
समाचार एजेन्सीका अनुसार आयोवाका केही यस्ता वस्तीहरुमा नयाँ संक्रमितहरु फेला परेका छन्, जहाँ विश्वविद्यालय र कलेजहरुमा कक्षा सन्चालन गरिएको थियो । संक्रमितहरुको संख्या बढेपछि हाल विश्वविद्यालय तथा कलेजहरु फेरि अनलाइन कक्षा सुरु गरेका छन् ।
न्यूयोर्कका गभर्नरले आइतबार भनेका छन् राज्यबाट विशेषज्ञसहितको टिम प्रभावित क्षेत्रमा पठाइँदै छ ।
अमेरिकी अधिकारीहरुका अनुसार विद्यार्थीहरुले भोज आयोजना गरेका थिए र त्यसमा कोरोनासँग मिल्दोजुल्दो लक्षण भएका केही विद्यार्थीहरु पनि सामेल भएका थिए जस्को कारण कलेजमा कोरोना फैलिएको हुन सक्ने अनुमान गरिएको छ।
Discussion about this post