जावेद अन्सारी
बाँके कार्तिक २६ गते ।
मधेश आन्दोलनमा प्राप्त उपलब्धीहरु रक्षा गर्न समाजवादी पार्टीका नेताहरुले माग गरेका छन् । समाजवादी महिला संघ बाँकेले बुधबार नेपालगन्जमा आयोजना गरेको शुभकामना आदनप्रदान कार्यक्रममा उनीहरुले सो माग गरेका हुन् । नेपालीहरुको महान पर्ब विजया दशमी, मोहम्मद डे, दिपावली, छठ पर्व, गुरु नानक जयन्ती तथा नेपाल सम्वतको अवसरमा शुभकामना आदान प्रदान कार्यक्रमको आयोजना गरेको थियो ।
कार्यक्रममा बोल्ने नेताहरुले मधेश आन्दोलनमा मधेशी तथा मुस्लिम समुदायले उठाएका एजेण्डालाई सार्थकता पाउन नसकेकोमा चिन्ता व्यक्त गरे । उनीहरुले राजनीतिमा महिला सहभागीता बढाउन राज्यले भूमिका नलेखेको टिप्पणी गरेका थिए । केन्द्रिय सदस्य तथा जिल्ला समन्वय समिती बाँकेका सभापति अजय श्रीवास्तवले पानसमा बत्ति बालेर कार्यक्रमको सुभारम्भ गर्नुभएको थियो ।
सो कार्यक्रममा बोल्दै श्रीवास्तवले महिलाहरुलाई अवसरको खाँचो रहेको बताउनुभयो । महिलाले अवसर पाउने हो भने इमान्दारिताका साथ जिम्मेवारी निर्भाह गर्ने धारणा व्यक्त गर्नुभयो । कार्यक्रममा बोल्दै नरैनापुर गाउँपालिकाका प्रमुख ईस्तियाक अहमद शाहले महिलालाई सम्मान गर्न आव्हान गर्नुभएको छ ।
महिलाको सम्मानका लागि आफुले सबै थोक गर्न तयार गर्न आव्हान गर्नुभएको छ । उहाँले नरैनापुर पालिकाले महिलाहरुको सवालमा गर्न सक्ने सबै पहल गर्न तयार रहेको बताउनुभयो । उहाँले सबैलाई शुभकामना पनि दिनुभएको छ । उहाँले मानिसको कुनै जात नभएको भन्दै मानवीय धर्म नै सबैभन्दा ठूलो जात भएको बताउनुभयो ।
समाजवादी पार्टीका नेता कमरुद्दिन राईले पार्टीेको सिद्धान्तमा महिलाहरु प्रतिबद्ध रहेकोमा खुसी व्यक्त गर्नुभएको छ । उहाँले महिला नेतृहरुलाई सफलताको शुभकामना समेत दिनुभयो । महिलाहरुले राजनीतिक आन्दोलनमा पुर्याएको योगदान अतुलनिय रहेको बताउनुभयो ।
उहाँले एक ढिक्का भएर अघि बढ्न आव्हान पनि गर्नुभयो । उहाँले सम्मानित महिलाहरुलाई बधाई दिनुभयो । उहाँले यो नै सबैभन्दा ठूलो सम्मानित भएको पनि जीकिर गर्नुभयो । मधेश आन्दोलनमा महिलाले पुर्याएको योगदानले उनीहरु सम्मानका लागि हकदार बनेको बताउनुभयो । महिलाहरु नेतृत्वका लागि सक्षम रहेको बताउनुभयो ।
कार्यक्रममा प्रदेश सदस्य माजिद अलि, फैज हलवाई, गोपाल बहदुर क्षेत्री, असलम अन्सारी, उषा गौतम, अम्बिका काफ्ले, रमारानी वैश्य, बेबि तबस्सुम अन्सारी, मिना बुढा खत्री,राजनराना मगर, कौसल धोवीलगायतको उपस्थिति रहेको थियो । समाजवादी महिला संघ बाँकेको अध्यक्ष दिपाराना गगरको सभापतित्वमा भएको उक्त कार्यक्रममा मधेश आन्दोलनमा घाइते भएका महिलाहरुलाई खादा लगाएर सम्मान समेत गरिएको थियो ।
Discussion about this post