खोजखबर संवाददाता
बाँके भदौ २२ गते । कोहलपुर उद्योग वाणिज्य संघको निर्देशनमा काटिएका सडक रेलिंगलाई पुरानै स्वरुपमा फर्काउन जिल्ला प्रशासन कार्यालय बाँकेले निर्देशन जारी गरेको छ । कोहलपुरमा काटिएका रेलिङ्गको विषयमा विवाद बढ्दै गएपछि सोलाई रोक्नका लागि प्रशासनले उक्त निदेृशन दिएको बुझिएको छ ।
जिल्ला प्रशासन कार्यालय बाँकेमा भएको सर्वपक्षिय छलफलका क्रममा कोहलपुर उद्योग वाणिज्य संघलाई काटिएका रेलिङ्गको संरचना पुरानै अवस्थामा फर्काउन निर्देशन दिईएको जनाइएको छ ।
जिल्ला प्रशासन कार्यालय बाँकले जिल्ला प्रहरी कार्यालय बाँके, कोहलपुर नगरपालिका र कोहलपुर उद्योग वाणिज्य संघलाई छलफलकालागि बोलाएर सो बारेमा गहन तरिकाले छलफल चलाएको थियो । छलफलमा सम्बन्धि निकायसँग अनुमती नलिएरै कोहलपुर उद्योग वाणिज्य संघले सडक बार ९रेलिङ्ग० काटेको निश्कर्ष निकाल्दै काटिएका रेलिङ्गलाई तत्काल पुरानै स्वरुपमा फर्काउने सहमती भएको जनाइएको छ ।
एसियाली विकास बैंक ९एडिवी० ले निर्माण गरेको कोहलपुर(नेपालगन्ज फोर लेन सडक खण्ड अन्तर्गत कोहलपुर बजार क्षेत्रभित्र राखिएका रेलिङ्गहरु कोहलपुर उद्योग वाणिज्य संघको नेतृत्वमा रातारात काटिएका थिए ।
सो घट्नापछि कोहलपुर उद्योग बाणिज्य संघ र विभिन्न राजनितिक दलविच विवाद बढ्दै गएको थियो । विवादले ठुलो रुप लिने देखिएपछि प्रशासनले सो पहल गरेर निर्देशन दिएको हो ।
Discussion about this post