खोजखबर संवाददाता
बाँके भदौ २२ गते । बाँकेमा मात्र गत आर्थिक वर्षमा बेचबिखेनको जोखिममा परेका १ हजार ७ सय छयासी जना महिला तथा बालबालिकाहरुको उद्धार गरिएको तथ्यांक सार्वजनिक गरिएको छ। बाँके जिल्लामा पनि कोहलपुर नगरपालिका मानव बेचबिखन तथा ओसार पसारको उच्च जोखिममा रहेको तथ्याङ्कले देखाएको छ ।
गत वर्ष मात्र कोहलपुर नगरपालिका भित्रबाट मात्र महिला तथा बालबालिका गरी ६० जना बेचविखन तथा ओसार पसारको जोखिम परेका थिए ।
मानव बेचबिखन तथा ओसार–पसार विरुद्ध कोहलपुर नगरपालिकामा आयोजना गरिएको अन्तरक्रिया कार्यक्रममा सो जानकारी गराईएको हो। कोहलपुर नगरपालिकाको आयोजना तथा माइती नेपाल संस्थाको सहकार्यमा मानव बेचबिखन तथा ओसार–पसार नियन्त्रणमा स्थानीय तहका जनप्रतिनिधिहरुको भूमिका विषय अन्तरक्रिया कार्यक्रम भएको छ ।
कोहलपुर नगरपालिकाका प्रमुख लूट बहादुर रावतको अध्यक्षमा सम्पन्न सो कार्यक्रममा माइती नेपालका कार्यक्रम संयोजक केशव कोइरालाले कार्यपत्र प्रस्तुत गरेका थिए ।
कोइरालाले मानव बेचबिखन तथा ओसार पसारमा नेपाल पक्ष राष्ट्र रहेका अन्तर्राष्ट्रिय कानून तथा नेपालमा रहेका कानूनी प्रावधान र यसको अवस्थाको बारेमा कार्यपत्रमा उल्लेख गरिएका विषयहरुको विश्लेषण गरेका थिए । कोइरालाको कार्यपत्रमा उल्लेख भए अनुसार नेपालमा मानव बेचविबखन तथा ओसार पसारको जोखिममा वर्षेनी लाखौं महिला तथा बालबालिकाहरु पर्ने गरेको डरलाग्दो तथ्याङ्क सार्वजनिक भएको छ । विश्वमा वाषर््िाक २ करोड ४० लाख महिला तथा बालबालिकाहरु मानव बेचबिखन तथा ओपार पसारको जोखिममा पर्ने गरेका छन् ।
नेपालबाट प्रायजसो महिला तथा बालबालिकाहरुले विभिन्न प्रलोभनमा पारेर भारतका विभिन्न स्थानमा बेच्न गरेको र त्यसरी बेचिएका महिला तथा बालबालिकाहरु यौन व्यवसायमा लगाउने गरेको तथ्याङ्कहरुले देखाएको छ । नेपालबाट भारतमा लिई बेचबिखनमा पारिनेहरु ७ वर्षका बालिका देखि ४५ वर्षका महिलाहरु समेत रहेको तथ्याङ्कमा उल्लेख गरिएको छ । महिला तथा बालबालिकाहरु मानव बेचविखनको जोखिममा मात्र होइन , उनीहरुलाई अवैध लागु औषध ओसार पसारमा समेत प्रयोग गरिएको पाइएको छ ।
नगर प्रमुख रावतले बाँके जिल्लामा कोहलपुर नगरपालिका सबै भन्दा बढी र डर लाग्दो मानव बेचविखन तथा ओसार पसारको जोखिममा रहनु हामी जनप्रतिनिधिहरुको लागि पनि सरमको विषय भएको बताए ।
रावतले कार्यक्रममा सहभागी सबै जनप्रतिनिधिहरुलाई भने ,‘हामी जनप्रतिनिधिहरु एउटा वडामा ५ जना छौं , ५ जना ५ वडा स्थान वा टोलबाट प्रतिनिधित्व गर्दछौं , हामीले आफ्नो टोल वा त्यसको वरपरका सबैलाई चिन्दछौं, कोही नयाँ मानिस गाउ वा टोलमा आयो भने चिन्दछौं , कोही नयाँ मान्छे आउँदा वा फरक व्यवहार देखाउदा हामी सजिलै निगरानी राख्न सक्छौं , त्यसमा सबै जनप्रतिनिधिहरु चलाख भएर लाग्यौं भने पक्कै पनि यो अपराधजन्य कार्यलाई हामी नियन्त्रण गर्न सकछौं र त्यसमा लाग्न म सबैलाई नगरपालिका तर्फबाट आग्रह गर्दछु र आफू पनि त्यसमा लाग्ने प्रतिवद्धता गर्दछु । ’
Discussion about this post