बाँके पुस २ गते ।
सौन्दर्यकर्मी एवं इच्छुकहरुका लागि आजदेखि नेपालगञ्जमा सात दिने मेहन्दी एवं नेल आर्ट शुभारम्भ गरिएको छ ।
न्यूरोडस्थित गुड न्यू आईटीसीपार्लर एण्ड ट्रेनीङ्ग सेन्टरको आयोजनामा दैनीक दुई चरणमा सञ्चालन हुने निशुल्क तालिममा ६० जनालाई सहभागी गराइएको छ ।
मुम्वई मेहन्दीका नेपाल न १ मेहन्दी आर्टीष्ट कुलदीप कुमारले पानसमा बत्ती बालेर तालिमको शुभारम्भ गर्नु भएको हो । उहाँले मेहन्दी कला सीकाईले सौन्दर्य वृद्धि मात्र नभई व्यवसाय र पेशा समेत अवलम्वलन गर्न सहयोग पुग्ने विश्वास व्यक्त गर्नु भयो । इच्छाशक्तिलाई व्यवसायमा रुपान्तरण गर्न समेत सहभागीलाई उहाँले आहवान गर्नु भयो । राष्ट्रिय सौन्दर्यकर्मी यूनियन नेपालगञ्ज उपमहानगरपालिका कमीटी अध्यक्ष एवं गुड न्यू आइटीसीकी प्रो प्राइटर गीता भण्डारीले मेहन्दी आर्ट जस्तो दुर्लभ अवसरलाई अधिकतम उपलव्धीमुलक बनाउन सुझाव दिनु भयो ।
राष्ट्रिय सौन्दर्यकर्मी यूनियन कोहलपुर नगर कमीटीकी सचिव सोनीया रानामगरद्धारा सञ्चालीत सो तालिम उदघाटन अवसरमा नेपाल पत्रकार महासंघ लुम्वीनी प्रदेशका सचिव शुक्रऋषि चौलागाईले पनि शुभकामना मन्तव्य दिनु भएको थियो । तालिममा नेल आर्ट, नेल बुट्टा बनाउने, मेहन्दी कलाका वीवीध पाटोमा कक्षा दिइने गुड न्यू आइटीसीकी प्रो प्राइटर भण्डारीले जानकारी दिनु भयो ।
Discussion about this post