बाँके पुस २ गते ।
न्यू मिडिया हाउस प्रालिद्वारा संचालित अनलाइन समाचार पोर्टल नागरिक समाज डटकमले आफ्नो प्रथम वार्षिकोत्सब मनाएको छ।
बिहीबार नेपालगन्जको सेतु बिक चोक स्थित आफ्नै कार्यालयमा नागरिक समाजका अध्यक्ष रामु ओलीको सभापतित्वमा कार्यक्रम सम्पन्न गरिएको हो। वार्षिकोत्सब कार्यक्रममा लागू औषध विरुद्ध सक्रिय संस्था चेन्ज टिमका अध्यक्ष प्रबिण विसी प्रमुख अतिथिको रुपमा रहेका थिए। त्यस्तै, ईसेतोखरी डटकमका प्रधान सम्पादक कमल न्यौपाने , राष्ट्रिय युवा संघ नेपाल बाँकेका नेता सुनिल रसाइली , खेलकुद प्रशिक्षक जनक केसी, समाजसेवी कमल शाही, निन्जा इन्फोसीसका प्रबन्ध निर्देशक रमेश बिसी, युनियन लाइफ बाँसगढी शाखाका प्रबन्ध निर्देशक हेमन्त शाही, महालक्ष्मी विकास वैंक नेपालगन्जका प्रमुख कोमल विष्ट , नेपालगन्ज टाइम्सका संवाददाता जयपती ढकाल लगायतको उपस्थिति रहेको थियो।
वार्षिकोत्सबको अवसरमा नागरिक समाजले विभिन्न व्यक्तिहरुलाई सम्मान गरेको छ। सो क्रममा खोज पत्रकारिताको क्षेत्रमा दिएको योगदानको कदर गर्दै ईसेतोखरी डटकमका प्रधान सम्पादक समेत रहेका पत्रकार कमल न्यौपाने सम्मानित भए। त्यस्तै, लागू पदार्थ सेवनको विरुद्धमा कार्य गर्दै समाज सुधारको कार्यमा पुर्याएको योगदानको कदर गर्दै चेन्ज टिम बाँकेका अध्यक्ष प्रबिन बिसी , समाजसेवी तथा सन नेपाल लाइफ इन्स्योरेन्स नेपालगन्जका प्रबन्धक कलम शाही, महालक्ष्मी विकास वैंक नेपालगन्जका प्रमुख कोमल विष्ट, हेमन्त शाही र निन्जा इन्फोसिस प्रालिलाई नागरिक समाजले सम्मान गर्यो।
साथै, नागरिक समाज डटकमका संवाददाता ज्ञानु संगम खड्कालाई वर्षको उत्कृष्ट संवाददाता घोषित गर्दै नगद र कदर पत्रसहित सम्मान गरिएको थियो।
संचालन भएको छोटो समयमै पाठकको मन जित्दै ‘देश दुनियाको खबर अब तपाईंको मोबाइलमा’ भन्ने स्लोगनसहित वार्षिकोत्सबको अवसरमा एनरोइड मोबाइल एप्लिकेसन शुभारम्भ गरेको हो। प्रमुख अतिथि विसीले एप्लिकेसन डाउनलोड गरि मोबाइल एपको शुभारम्भ गरेका थिए। निन्जा इन्फोसिसको सहकार्यमा निर्मित मोबाइल एपले आगामी दिनमा सुचना तथा समाचार सम्प्रेषणमा थप टेवा पुर्याइने विश्वास नागरिक समाज टिमले लिएको छ।
कार्यक्रममा नागरिक समाजका निर्देशक तथा सहसम्पादक खगेन्द्र दाहाल अस्वस्थका कारण अनुपस्थित रहे पनि उनले कार्यक्रमलाई भर्चुअल माध्यमद्वारा शुभकामना दिएका थिए। कार्यक्रम नेपालगन्ज टाइम्सका सम्पादक समेत रहेका केपी घिमिरेले संचालन गरेका थिए।
Discussion about this post