बाँके बैशाख १७ गते ।
थारु कल्याणकारिणी सभा बाँकेले भेरी अस्पताललाई शुक्रबार १५ थान पिपिई हस्तान्तरण गरेको छ । थारु कल्याणकारिणी सभा बाँकेका अध्यक्ष बिनोद थारुले भेरी अस्पतालका प्रमुख डाक्टर प्रकाश बहादुर थापा र अस्पताल बिकास समितिका अध्यक्ष प्रमोद धिताल मार्फत अस्पताललाई पिपिई हस्तान्तरण गरिएको बताए ।
कोरोनाको बिरामीले भरीभराउ भेरी अस्पतालमा उपचारका लागि खटिएका स्वास्थ्यकर्मीहरुको सुरक्षाका लागि पिपिई सहयोग गरिएको अध्यक्ष थारुले बताए । भेरी अस्पतालका प्रमुख डाक्टर थापाका अनुसार अहिले भेरी अस्पतालमा दैनिक दुई सय पिपिई अवाश्यक परिरहेको छ ।
अस्पतालमा खटिने डाक्टर देखि कार्यालय सहयोगी सम्मालाई पनि पिपिई अवाश्यक पर्ने भएकाले पिपिईको अभाव हुदै आएको छ । भेरी अस्पतालमा क्षमता भन्दा बढी कोरोनाका बिरामी भएकाले सबै उपचार समाग्रीको अभाव देखिएको छ । भेरीको उपचारमा सघाउ पुर्याउनका लागि अस्पतालले सबैलाई सर्बजनिक रुपमा अपिल समेत गरेको छ ।
सो कुराको मनन् गर्दै थारु कल्याणकारिणी सभा बाँकेले पिपिई सहयोग गरेको हो । अस्पताल बिकास समितिका अध्यक्ष प्रमोद धितालका अनुसार भेरीमा एक सय ४२ बेदको कोरोना आइसोलेसन बनाइएको छ । तर भेरीमा शुक्रबार सम्मा २ सय ४४ जना कोरोनाका बिरामीहरु छन् ।
जसले गर्दा उपचारका लागि सबै समाग्रीको अवाश्यक परिरहेको छ । भेरीमा क्षमता भन्दा बढि बिरामी आउदा अहिले अन्य वार्डमा पनि बिरामीहरु राखेर उपचार गर्नु परेको अस्पताल प्रमुख डाक्टर थापाले बताए । जसले गर्दा अस्पतालको अन्य उपचार सेवा पनि प्रभाबित भएको छ ।
पिपिई हस्तारन्तरणमा अस्पताल बिकास समितिका सदस्यद्धय कृष्ण प्रसाद श्रेष्ठ, धनराम वली, थारु कल्याणकारिणी सभा नगर सभा नेपालगञ्जका अध्यक्ष बासमति थारु, सचिव सम्भु थारु लगायत्को सहभागिता थियो ।
Discussion about this post