बाँके वैशाख २१ गते ।
बाँकेमा फैलिएको कोरोना संक्रमण भयावह बनेको अवस्थामा कोरोना संक्रमणबाट मृत्यु हुनेको सिलसिला बढ्दै गएको छ । कोरोना भाइरसको दोस्रो लहरले बाँकेलाई गलायो, दैनिक ४-५ सय संक्रमित थपिनु र दैनिक ८-१० जना संक्रमितको मृत्युको खबर सामान्य जस्तै लाग्न थालेको बाँकेमा मृतकको संख्या वृद्धि संगै शव ब्यवस्थापनमा समस्या उत्पन्न भएको थियो । सोही कुरालाई मध्यनजर गर्दै नेकपा एमाले बैजनाथ गाउँ कमिटी ,युवा संघ नेपाल बाँके र युवा संघ नेपाल बैजनाथ गाउँ कमिटिले स्थानिय तहमा कोरोना संक्रमणबाट मृत्यु हुनेको शव ब्यवस्थापनमा जुट्दै आएका छन् ।
बैशाख १५ गते देखि दैनिक रुपमा कोरोना संक्रमितको शव ब्यवस्थापनमा खटिदै आएको युवा संघको टोलिले हालसम्म ७ वटा कोरोना संक्रमितको शव ब्यवस्थापन गरिसकेको युवा संघ बाँकेका सचिव सुनिल रसाइलीले बताउछन् । त्यस्तै बैजनाथ गाउँपालिका अन्तरगत रहेको वडा नम्बर ५ र ६ मा एक अटोरिक्साको समेत ब्यवस्था गरेर पिसिआर चेकजाँच जस्ता कुरामा स्थानियलाई सेवा पुराउदै आएको छ ।
यो कोरोना महामारीमा हामी युवाहरुको पनि केही जिम्मेवारी छन्, त्यसैले हामि युवाहरू कोरोना संक्रमितको उपचार सहयोगको लागि र संक्रमितको शव ब्यवस्थापनमा खटिदै आएका छौं । यो महामारीको समयमा कसैलाई दोश दिनु भन्दा पनि आफ्नो स्थानबाट जे गर्न सकिन्छ त्यो गर्दा राम्रो हुनेभएकोले हामिले यसतर्फ ध्यान दिएका हौं , सचिव रसाइली बताउछन् । कोरोना संक्रमणको दोस्रो लहर संगै बाँकेका कुनै पनि स्थानिय तह कोरोना संक्रमण र मृत्युको सिलसिलाबाट अछुतो छैन । स्थानिय तहमा कोरोना संक्रमण संग लड्न जुन किसिमले तयारी गर्नु पर्ने थियो त्यो नहुदा कोरोनाको दोस्रो लहरले स्थिति भयावह बनेको छ ।
यतिबेला संक्रमितको उपचार, आइसोलेसन, अक्सिजनको सुबिधा र शव ब्यवस्थापन जस्ता कुरागर्न स्थानिय तहलाई समस्या बन्दै गएको यथार्थका बिच युवा संघ बाकेले गरेको कार्य यो महामारीको समयमा उदाहरणीय रहेको बताउछन् युवा संघ नेपाल लुम्बिनी प्रदेश अध्यक्ष किशोर थापा । थापाका अनुसार युवा संघ लुम्बिनी प्रदेशले प्रदेशका सबै कमिटी र युवा संघ संग आस्था राख्ने सबैलाई यो कोरोना महामारी संग लड्न हातेमालो गर्न र संक्रमितको उपचारमा सहयोग पुराउन आव्हान समेत गरिसकेको छ ।
नेकपा एमाले बैजनाथ गाउँपालिका कमिटी अध्यक्ष प्रेम सुवेदी, युवा संघ नेपालका केन्द्रिय सदस्य दिल बिश्वकर्मा, युवा संघ नेपाल बाँकेका सचीव सुनिल रसाइली,नेकप एमाले बाँके जिल्ला कमिटी सदस्य लिल बहादुर नेपाली, युवा संघ जिल्ला सदस्य यज्ञ पुन, युवा संघ जिल्ला सदस्य खगेन्द्र तिरुवा, नेकपा एमाले निकट नेपाल खेलकुद संघ बाँकेका जिल्ला सदस्यस् दिपक कार्की तथा युवा संघ नेपाल बैजनथ गाउँपालिका कमिटीका अध्यक्ष प्रेम बिष्ट लगायतको टोलिले बैजनाथ गाउँपालिकामा शव ब्यवस्थापन देखी पिसिआर चेकजाँचको लागि सहयोग तथा कोरोना संक्रमितको उपचारको लागी सहयोग गर्दै आएका छन् ।”
बाकेको कोरोना कहरको विषम परिस्थितिमा स्थानिय जनताको सेवामा कुनै कमि हुन नदिने र कसैलाई अप्ठेरो अवस्था सृजना नहोस भनेर नै यो अभियानमा जुटेको बताउछन् नेकपा एमाले बैजनाथ गाउँकमिटिका अध्यक्ष प्रेम सुवेदी । युवा संघ र नेकपा एमाले बैजनाथको टिम बिहानै देखि उद्दार, उपचारमा सहयोग र शव ब्यवस्थापनको लागि खटिदै आएको र आउने दिनमा समेत सो कार्यलाई निरन्तरता दिने युवा संघ नेपालका केन्द्रीय सदस्य दिल बिश्वकर्माले बताए ।
Discussion about this post