जुम्ला जेठ २९ गते ।
सिंजा गाउँपालिका–३ धिताललिहीका मनप्रसार धिताको घरमा आगलागी भएको छ। शुक्रबार साँझ धिताललिहीको सेरा बजारमा रहेको धितालको घरमा बिजुलीको तार सर्ट भई आगलागी हुँदा १३ कोठे घर पूर्ण रुपमा जलेको हो।
धितालले पाँच कोठाका केही काठ र ढुंङ्गा मात्रै बाँकी रहेको बताए। आगलागीबाट एक लाख रुपैयाँ नगद, गरगहना, लत्ताकपडा, अन्न सबै जलेको उनको भनाइ छ। त्यसै, उक्त घरमा घाडामा बस्ने तीन परिवारको अन्नपात।, लुगा र नगद जलेको छ।
धितालको घरमा लागेको आगो स्थानिय, जनप्रतिनिधि, नराकोट प्रहरी चौकीका प्रहरीले नियन्त्रणमा लिएका थिए। जिल्ला प्रहरी कार्यालय जुम्लाका प्रहरी नायब उपरीक्षक दानबहादुर थापाका अनुसार आगलागीबाट भएको क्षतिको पूर्ण विवरण आउन बाँकी छ।
ADVERTISEMENT
Discussion about this post