बाँके साउन ८ गते ।
नेपालगन्जको बसपार्क रोडस्थित गौतम मोबाइल एण्ड इलेक्ट्रोनिक्स सप्लायर्समा गएराती चोरी भएको छ । सटर फोडेर मोबाइल पसलमा चोरी भएको सन्चालक पूर्णप्रसाद गौतमले बताउनुभयो ।
चोरले मंहगा मोबाइल छानीछानी चोरेको पनि उहाँको भनाइ छ । करीब ५५ देखि ६० वटा मोबाइल सेट चोरी भएको दावी गर्नुभएको छ । कम्तीमा ८ हजार ५ सय देखि ४० हजार मूल्यसम्म पर्ने मोवाइल चोरले लगेको बताइएको छ ।
राती एक बजेतिर सटर फोडेर चोरले मोबाइल बोरामा प्याक गरेर लगेको छिमेकीको सिसि टिभि फुटेजमा देखिएको छ । तर गौतमले भने आफुहरुले विहान पाँच बजेमात्र थाहा पाएको बताउनुभयो । उक्त पसलदेखि करीब ५० मिटरको दूरीमा प्रहरीको वीट छ ।
ADVERTISEMENT
Discussion about this post