बाँके साउन ३० गते ।
पश्चिमको ठुलो शहर नेपालगन्न सिमसिमे पानीमै डुबानको चपेटामा परेका छन । नेपालगन्ज उपमहानगरपालिकालाई डुबानमुक्त शहर बनाउन पालिकाले बर्षेनी करोडौंको बजेट खर्चदै आएको छ ।
वडापालिका होस वा उपमहानगरपालिका मार्फत खर्चिएको उक्त बजेटबाट ढल, नाला र सडक बनेका छन । तर यी संरचना मापदण्ड विपति बनेको कारण अहिले पनि सिमसिमे पानीमे शहर डुबानको समस्या देखिएको छ ।
यसले शहरलाई डुबान मुक्त बनाउने मेयर डाक्टर धवल शम्सेर राणाको प्रतिबद्धता अनुसार गरिएको करोडौंको लगानी वालुवामा पानी झै बनेको देखिएको छ । यसले पनि डुबान मुक्त शहर निर्माणमा नेपालगन्ज असफल देखिएका छन । यसको गतिलो प्रमाण शुक्रबार रातीको सिमसिमे पानीले शहरमा देखिएको डुबानको अबस्था नै हो ।
न्यूरोड क्षेत्र र घरवारी टोल, फुलटेक्रा तथा अन्य वडापालिकाका विभिन्न स्थानमा यतिबेला डुबान देखिएको छ । बसपार्क देखि हडियाबाबा निस्कने बाटो हिलाम्य भएको छ । पानी जमेर त्यहाँ पैदल हिड्नै मुस्किल छ ।
सुर्खेतरोड सफा बनाउँदै लक्ष्य पुरा भएको ठहर गर्ने उपमहानगरपालिकाले यहाँका भित्रि सडक कालोपत्रे मात्रे होइन यसमा ढल र नालाको उचित व्यवस्थापन गरी डुबान मुक्त वडा बनाउन आबश्यक देखिएको स्थानीयहरू बताउँछन । नेपालगन्जका मेयर राणाले भने डुवान समस्या हल भैसकेको बारम्बार भन्ने गरेका छ्न ।
Discussion about this post