बाँके भदौ २ गते ।
भन्सार छलिको सामान र अवैध काठ बरामद नेपालगन्जबाट भन्सार छलि भित्र्याइएको सामान प्रहरीले बरामद गरेको छ । भारतबाट भन्सार छली पैठारीको ठूलो मात्रामा विभिन्न किसिमको कपडा आउदै गरेको भन्ने सूचनाको आधारमा जिल्ला प्रहरी कार्यालयबाट खटिएको प्रहरी टोलीले नेपालगन्ज उपमहानगरपालिका १० बाट बरामद गरेको हो ।
प्रहरीलाई देखेपछि अवैधरुपमा सामान भित्र्याउने व्यक्ति फरार भएका थिए । प्रहरीले कपडा, सुर्ती, चप्पल, विद्युतिय सामान गरी कम्तिमा बाउन्न हजार चार सय रुपैया बराबरको अवैध सामानबरामद गरेको हो ।
बरामद गरिएको सामान आवश्यक कारवाहीको लागी आजै भन्सार कार्यालय नेपालगन्जमा बुझाइएको बाँके प्रहरीले जनाएको छ । हिजोआज दैनिक जस्तो भन्सार छलिका सामाग्रीहरु बरामद भइरहेका छन् ।
जमुनाह नाकामा खटिएको प्रहरी टोलीले चेकजाँचमा कडाइ नगर्दा नाकाबाट भन्सार छलिका सामान आउनेक्रम बढेको हो ।
यस्तै नेपालगन्जबाट आज पनि अवैध सालको काठ प्रहरीले बरामद गरेको छ ।
नेपालगन्ज उपमहानगरपालिका १३ बाट ५ वटा सालको गोलिया बरामद गरिएको बाँके प्रहरीले जनाएको छ ।
रितपुर्वक बरामद गरिएको काठ थप कारवाहीका लागि वन डिभिजन कार्यालय नेपालगंज बाँकेमा पठाईएको पनि प्रहरीले जनाएको छ ।
Discussion about this post