बाँके कार्तिक २३ गते ।
अयुव हलवाईको नेपालगन्ज उपमहानगरपालिका ३ एक्लैनीमा सिंगार पसल थियो । त्यही सिंगार पसलमा आइतवार विहान आगलागी भएर ध्वस्त भयो ।
जिविकोपार्जनको मूख्य स्रोत ध्यस्त भएपछि हलवाई परिवार कसरी जिवनयापन गर्ने भन्नेमा तनावमा छ । आगलागी हुनु भन्दा दुई तीन दिन अघि पसलमै कसैले जलेको कागज फ्याकिदिएको थियो ।
त्यसपछि पसलमा आगलागी भएकाले यो आगलागीलाई हलवाईले सुनियोजितरुपमा लिनु भएको छ । उहाँले कसैले आगलागी गरेको आंशका गर्नुभएको छ ।
स्थानीय रासिद हुसेन अन्सारीका अनुसार यसअघि पनि उक्त पसलमा आगजनीको प्रयास भएको थियो ।
एकजना युवकले प्लाष्टिक र कपडाबाट आगलागीको प्रयास भएपनि सफल नभएको अन्सारीको दावी छ । हलवाईको पसलमा भव्यतव्य नभएर सुनियोजितरुपमा आगलागी गरिएकाले प्रहरी प्रशासनले सुक्ष्म ढंगबाट अनुसन्धान गर्न स्थानीयको माग छ ।
आगलागीबाट २८ लाख बराबरको सिंगार गर्ने सामान र फर्निचर जलेर ध्वस्त भएको छ । आगलागी नियन्त्रण गर्न प्रहरी प्रशासन घटनास्थलमा पुगेपनि त्यसपछि भने अहिलेसम्म नपुगेको संचालक हलवाइको गुनासो छ ।
उहाँले आगलागी घटनाको अनुसन्धान गर्न प्रहरीलाई आग्रह गर्नुभयो । त्यस्तै आफ्नो लगानी पुरै ध्वस्त भएकाले स्थानीय सरकारसँग राहातको माग समेत उहाँले गर्नुभएको छ । यस्तै वडा अध्यक्ष अयुव सिद्दिकीले जिल्ला दैवी प्रकोप समितिबाट राहतको लागि पहल गरिने उहाँको भनाइ छ ।
Discussion about this post