बाँके पुस २३ गते ।
नेकपा एमाले बाँकेको जिल्ला अधिवेशन आज नेपालगन्जमा हुँदैछ । ७७ वटै जिल्ला अधिवेशनको पार्टी अध्यक्ष केपी शर्मा ओलीले विहान ११ बजे भर्चुवल माध्यमबाट उद्घाटन गर्ने कार्यक्रम रहेको एमाले बाँकेका अध्यक्ष निरक गुरुङले जानकारी दिनुभयो ।
पार्टी कार्यालयमा हुने उद्घाटन समारोहलाई पार्टीका पोलिट ब्यूरो सदस्य खेममान खड्कालाई प्रमुख अथितिकोरुपमा निम्त्याइएको छ । उद्घाटनशत्र पछि हुने बन्द शत्रमा राजनीतिक प्रतिवेदन प्रस्तुत हुने र त्यसलाई पारित गरेपछि भोलीबाट नेतृत्व चयन प्रक्रिया अघि बढ्ने उहाँको भनाइ छ ।
सकेसम्म सहमतिमै नेतृत्व चयन हुने उहाँको विश्वास छ । जिल्ला अध्यक्ष निरक गुरुङ, उपाध्यक्ष किस्मत कुमार कक्षपति, सचिव रत्न खत्री, अशोक कर्माचार्यदेखि पत्रकार डिल्ली बिसीसम्मले अध्यक्ष पदको लागि आफ्नो आकांक्षा प्रस्तुत गर्नुभएको छ ।
नेतृत्व समक्ष आकांक्षा राख्नेहरुमा गोपाल गिरी र घननाथ खनाल पनि रहनुभएको छ ।
Discussion about this post