बाँके फागुन २२ गते ।
बाँकेको खजुरा गाउँपालिका १ बहादुरपुरबाट प्रहरीले हतियारसहित लागु औषध कारोबारीलाई पक्राउ गरेको छ ।
बाँकेका एसपी श्यामकृष्ण अधिकारीका अनुसार करिब ९० ग्राम ब्राउन सुगरसहित स्थानीय २५ वर्षका रबिन्द्र थापा, २७ वर्षका मनिष थापा र २८ वर्षको सुरेश मगरलाई पक्राउ गरिएको हो ।
राधापुर प्रहरी चौकीको कमान्ड सम्हालेको एक हप्तामै चौकीका इन्चार्ज रबिन्द्र बहादुर बमको टोलीले यो सफलता हात पारेको हो । रबिन्द्रको पुरानो घरमा बसेर उनिहरुले लागु औषध ब्राउन सुगर सेवन तथा कारोबार गरिरहेको भन्ने सूचना प्रहरीले पाएको थियो ।
त्यहीँ अनुसार घटनास्थल पुगेको प्रहरीले उनिहरुलाई पक्राउ गरेको हो । उक्त ब्राउन सुगर रबिन्द्रको साथबाट बरामद भएको हो ।
प्रहरीले घरै खानतलासी गर्दा अटोमेटिक पेस्तोल समेत फेला पारेको जनाएइको छ । पक्राउ परेका तीनै जनालाई इलाका प्रहरी कार्यालय धनौलीको हिरासतमा लिएर थप अनुसंधान सुरु गरिने प्रहरीले जनाएको छ ।
बाँके प्रहरीले लागु औंषध विरुद्ध आक्रमण अभियाननै चलाएको छ । जस्काकारण ठूला कारोबारी देखि सेवनकर्ता समेत प्रहरीको नियन्त्रणमा आउन थालेका छन।
Discussion about this post