बाँके बैशाख १३ गते ।
राजनीति बुझेकाले परिस्थिति पनि बुझ्न सक्छ । परिस्थिति बुझ्न नसक्नेले राजनीतिको लामो यात्रा तय गर्न सक्दैन । यस्तै मध्येमा पर्दछन् नेपालगन्जको उपमेयरका उम्मेदवार कमरुद्धिन राई ।
उनी राजनीति बुझेकै कारण मेयरको दावी गर्दागर्दै पार्टीको निर्देशनलाई आत्मसाथ गरि नेपालगन्जको उपमेयरमा उठेका छन् ।
उपमेयर भएर पनि जनताको धेरै काम गर्न सकिन्छ भन्ने लागेर उनले मेयर पद छाडेको बताए । ‘कुनै काम गर्नलाई पद चाहिन्छ भन्ने होइन, तर पद भयो भने काम गर्ने फोरम बन्छ । फोरमले काम गर्ने अवसर सिर्जना गर्छ,’ उनले भने, ‘पदभन्दा बाहिर बस्दा जनताको सेवा गर्ने अवसर आउँदैन, नीति नियम बनाउन सकिदैन । आर्थिक समस्या हुन सक्छ ।’
उनले हिजो दिउँसो उपमेयरमा उम्मेदवार दिएका छन । उम्मेदवारी पछि अझ धेरै जनतामाझ जाने उनको योजना छ । उनी मेयर नपाए पनि हतास बनेका छैनन् । बरु जित्ने आधार तय भएको बताउँछन् । ‘मेरो जित निश्चित भइसक्यो,’ उनले भने ।
उनलाई नेपालगन्जबासीको आशिर्वाद छ । मतदाताको प्यार छ । संकटका बेला जनतामाझ पुगेका कारण उनलाई नेपालगन्जबासीले छातीमा राखेका छन् । ‘म जहाँ जान्छु त्यहाँ राम्रो माया र सद्भाव पाइरहेको छु,’ उनले भने ।
राईले घण्टौ भाषण गर्न सक्छन् । मिठा आश्वासन दिन सक्ने खुवी उनीमा छ, तर उनी भाषण र आश्वासनमा विश्वास गर्दैनन् । भन्छन्, ‘भाषणले जनताको पेट भरिदैन । भाषण भन्दा जनतालाई गास, बास र कपास चाहिएको छ ।
विकास, स्वास्थ्य शिक्षा र रोजगार चाहिएको छ ।’
एनले जनताको आधारभूत आवश्यकता पूर्ती गर्ने योजना बनाएका छन् ।
Discussion about this post