बाँके जेठ २ गते ।
नेपालगञ्ज उपमहानगरपालिकाको नगर प्रमुखमा नेपाली कांग्रेसका प्रशान्त विष्ट ठूलो मतान्तरले अगाडि छन् ।वडा नम्बर १, २, ३, २१, २२ र २३ नम्बर वडाको मतगणना सकिँदासम्म विष्टले ५३२६ मत पाएका छन् ।
नेकपा एमालेका पशुपतिदयाल मिश्र २१८१ मतका साथ दोस्रो स्थानमा छन् । विष्ट मिश्र भन्दा ३१४५ मतले अघि छन् ।राप्रपाका नन्दलाल बैश्यले २०४२ मत पाएका छन् ।
यस्तै उपप्रमुखमा जसपाका कमरुद्दिन राईले ४०२० मतका साथ अग्रता कायमै राखेका छन् । दोस्रोमा रहेकी राप्रपाकी विन्दु चर्ती मगरले २५४२ मत पाउँदा एमालेकी शान्तिदेवी ढकालको १९६१ मत आएको छ ।
अहिले वडा नम्बर ४ र १९ को मतगणना हुँदैछ । वडा नम्बर २० को मतगणना सकिएको छ । तर, त्यो तथ्यांक यसमा समावेश छैन ।
ADVERTISEMENT
Discussion about this post