बाँके चैत ८ गते ।
नेपालगन्ज उपमहानगरपालिका ७ मा नालामाथि ढक्कन लगाउन सुरु भएको छ । आर्थिक वर्ष २०७८÷७९ मा उपमहानगरपालिकाले २३ वटै वडामा पाँच सय मिटर सडक र नाला निर्माण गर्ने गरी बजेट बिनियोजन गरेको थियो ।
उक्त बजेटबाट नालामाथि हाल्ने ढक्कन नपुगेपछि तत्कालीन वडा अध्यक्ष जुम्मान खाँले वडाबाट थप बजेट विनियोजन गरी ३७ लाखको लागतमा नालामाथी ढक्कनको काम सुरु गरेका थिए । महेन्द्र स्कुलदेखि सहाबामोड सम्म दुबैतर्फ पाँच सय मिटेर बढी लामो नालामा ढक्कन नहालेर ठेकेदारले बदमासी गरेका थिए ।
ठेकेदारले बदमासी गरेर ढक्कन नहालेरै बजेट उपमहानगरपालिका र वडाले बजेट फस्र्यौट गरेका थिए । तर निवर्तमान वडा अध्यक्ष खाँले उपमहानगरपालिकामा पुगेर इन्जिनियर र ठेकेदारलाई दवाव दिएपछि आजदेखि ठेकेदारले नालामाथि ढक्कन हाल्न सुरु भएको हो ।
नालामाथि ढक्कन हाल्न सुरु भएपछि स्थानीयलाई सहज हुने भएको छ भने सम्भावित दुर्घटनाको जोखिम पनि टरेको छ । खाँले विगतमा आफुले जनमैत्री काम गरेको दावी गरेका छन् । अहिले वडा नं.७ को अवस्था जीर्ण रहेको पनि गुनासो सुनाए ।
उनले पाँच कोठे स्वास्थ्य भवन निर्माणको काम पनि अलपत्र परेको बताएका छन् । ठेकेदारले भवन निर्माणमा बदमासी गरेको बताए । स्वास्थ्य चौकी भवनमा सौचालयको समेत व्यवस्था नभएको बताए । खानेपानीको पनि समस्या रहेको उनले सुनाए ।
उनले स्वास्थ्य केन्द्र भवन निर्माणमा चासो दिन उपमहानगरपालिकाको ध्यानाकर्षण गराएका छन् ।
Discussion about this post