बाँके असार १२ गते ।
बाँके प्रहरीले तस्करी नियन्त्रणमा ठूलो सफलता हात पारेको छ । एसपी सन्तोषसिंह राठोर नेतृत्वको बाँके प्रहरीले दैनिक जस्तो तस्करीका सामान बरामद गर्दै आएको छ ।
दुई दिन अघि २२ लाख बराबरको अवैध सामानसहित बोलेरो गाडी नियन्त्रणमा लिएको बाँके प्रहरीले फेरी ट्रकसहित लाखौको अवैध सामान बरामद गरेको छ ।
नेपालगंज उप महानगरपालिका १२ कोरियनपुर स्थित भे १ ख ३३४८ नम्बरको ट्रकलाई जिल्ला प्रहरी टोलिले रोकि चेक जाँच गर्दा अबैध रुपमा भारत बाट भन्सार छलि पैठारी गरी ल्याइएको विभिन्न प्रकारको सामान बरामद गरेको बाँकेका एसपी राठोरले बताउनुभयो । उहाँका अनुसार चिनि ६० बोरा, स्वायबिन तेल ३०० पेटि, सुपर पावर सुर्ती ५० पोका बरामद गरेको छ ।
उहाँका अनुृसार ट्रक सहित अन्दाजि १७ लाख ५२ हजार मूल्य बराबरको अवैध सामान बरामद भएको हो । प्रहरीले तस्कर नियन्त्रण विरुद्ध आक्रामक भएको छ । पछिल्ला केही दिन देखि प्रहरीले भिआइपी तस्करहरु माथि निगरानी बढाएको छ ।
Discussion about this post