बाँके साउन २८ गते ।
मध्यपश्चिम विश्वविद्यालय वागेश्वरी बहुमुखी क्याम्पसमा अध्ययनरत ७१ जना विद्यार्थीहरुले रक्त पहिचान गराएका छन् ।
आइतबार नेपाल स्वयंसेवी रक्तदाता समाज कोहलपुरको आयोजनामा भएको कार्यक्रममा वागेश्वरी बहुमुखी क्याम्पसमा अध्ययनरत ७१ जना विद्यार्थीहरुले रक्त पहिचान गराएका हुन् ।
कार्यक्रमममा वागेश्वरी बहुमुखी क्याम्पसका प्रमुख दान बहादुर हमालको प्रमुख अतिथि तथा नेपाल स्वयंसेवी रक्तदाता समाज कोहलपुरका अध्यक्ष चिन्तामणि धितालको अध्यक्षतामा रक्त समूह पहिचान कार्यक्रम गरिएको होे ।नेपाल स्वयंसेवी रक्तदाता समाज कोहलपुरका अध्यक्ष चिन्तामणि धितालले आकस्मिक सेवा लिँदा वा दिँदा रक्त समूह आवश्यक पर्ने भएकोले रक्त समूह पहिचानको कार्यक्रम गरिएको बताउनु भयो ।
कार्यक्रममा कोहलपुर नगरपालिका वडा नं. ६ का वडा सदस्य गोविन्द वाग्ले, विभागीय प्रमुख एकराज शर्मा, अतिरिक्त क्रियाकलाप समिति संयोजक ज्ञानेन्द्र शाही, उपाध्यक्ष हेम कुमार रावत लगायत प्राध्यापकहरु समेत उपस्थिति रहेको थियो ।
Discussion about this post